ઇંગ્લેન્ડની ડરહામ યુનિવર્સિટી ગણિકાવૃત્તિ માં કામ કરતા લોકોને મદદ કરવા માટે તાલીમ શરૂ કરી રહી છે. યુનિવર્સિટી તેના વિદ્યાર્થીઓને ગણિકા તરીકે કામ કરતી વખતે કેવી રીતે સુરક્ષિત રહેવું તે અંગેના ઓનલાઈન કોર્સ ઓફર કરવ જઇ રહી છે. આ સંદર્ભે યુનિવર્સિટીના વિદ્યાર્થી સંઘે કોર્સને લગતી તમામ માહિતી યુનિવર્સિટીના વિદ્યાર્થીઓ અને સ્ટાફને ઈ-મેલ દ્વારા મોકલી આપી છે. યુકેમાં ઉચ્ચ શિક્ષણ રાજ્ય મંત્રીએ આ અંગે તીખી પ્રતિક્રિયા આપી છે. તેમણે કહ્યું કે આ કોર્સ દ્વારા આ વેપારને કાયદેસર બનાવવા અને વિદ્યાર્થીઓને તેમની ફરજમાંથી દૂર કરવાનો પ્રયાસ કરવામાં આવી રહ્યો છે.
ઈંગ્લેન્ડની પ્રતિષ્ઠિત ડરહામ યુનિવર્સિટી ગણિકાવૃત્તિ માટે ખાસ કોર્સ શરૂ કરવા જઈ રહી છે. યુનિવર્સિટીના સ્ટુડન્ટ્સ યુનિયને ગણિકાવૃત્તિ સાથે સંકળાયેલા વિદ્યાર્થીઓ કે બહારના લોકો સુરક્ષિત રહેવા માટે ખાસ કોર્સ ઓફર કર્યો છે. વિદ્યાર્થી સંઘે એક જાહેરાત દ્વારા તમામ વિદ્યાર્થીઓ અને સ્ટાફને ઈ-મેલ મોકલ્યો છે.
ટાઈમ્સના અહેવાલ મુજબ ડરહામ સ્ટુડન્ટ યુનિયને પોતે જ ગણિકાવૃત્તિ માટે ઓનલાઈન કોર્સ બનાવ્યો છે. આ કોર્સ ખાસ કરીને ગણિકાવૃત્તિ ઉદ્યોગ સાથે સંકળાયેલા સ્ટાફ અને વિદ્યાર્થીઓને મદદ કરવા અને માર્ગદર્શન આપવા માટે બનાવવામાં આવ્યો છે. રિપોર્ટ અનુસાર, આ ટ્રેનિંગનો હેતુ તેમાં સામેલ લોકોને સુરક્ષિત રાખવાનો છે.
બીજી તરફ આ વિચિત્ર અભ્યાસક્રમને લઈને વિરોધ પણ શરૂ થઈ ગયો છે. ઉચ્ચ શિક્ષણ રાજ્ય મંત્રી મિશેલ ડોનેલને “ખતરનાક ઉદ્યોગને કાયદેસર બનાવવા” અને “તેના વિદ્યાર્થીઓને સુરક્ષિત રાખવાની તેની ફરજના ઘોર ઉલ્લંઘન” માટે યુનિવર્સિટીની ટીકા કરી છે. “કોઈપણ યુનિવર્સિટી જે આવું કરે છે તે વિદ્યાર્થીઓને સુરક્ષિત રાખવાની તેની ફરજમાં ગંભીરપણે નિષ્ફળ રહી છે,” તેમણે કહ્યું.
મંત્રીએ ઉમેર્યું, “એ વાત સાચી છે કે ગણિકાવૃત્તિમાં શોષિત મહિલાઓને સમર્થન મળવું જોઈએ. પરંતુ આ કોર્સ ગણિકાવૃત્તિના વેચાણને સામાન્ય બનાવવાનો પ્રયાસ કરશે, તેને યુનિવર્સિટીઓમાં કોઈ સ્થાન નથી.”
ડરહામ યુનિવર્સિટી અને વિદ્યાર્થી સંઘને વિદ્યાર્થીઓ તરફથી અનેક ફરિયાદો મળી હોવાનું જાણવા મળે છે. વિદ્યાર્થીઓની ફરિયાદ છે કે આ કોર્સ શરૂ થવાથી કેટલાક વિદ્યાર્થીઓ અને સ્ટાફને લાગશે કે કેમ્પસમાં ગણિકાવૃત્તિ થાય છે.
કોમ્યુનિટી કિચન / લોકોને ભૂખમરાથી બચાવવા એ સરકારની ફરજ છે : SCની કડક સૂચના
ડ્રગ્સ કેસ / સમીર વાનખેડે મુંબઈ પોલીસ કમિશનરને મળ્યા, 25 મિનિટ સુધી ચાલી હતી બેઠક
Viral Video / ભાવુક લોકોએ વિદાય વખતે વરસાવ્યા ફૂલ, અને પોલીસકર્મી રડી પડ્યો
