Vacation Ideas: માર્ચ (March) મહિનો એટલે ન તો બહુ ઠંડી, ન તો બહુ ગરમી. વસંત ઋતુના આગમન સાથે જ પ્રકૃતિ ખીલી ઉઠે છે. જો તમે પણ ઉનાળાની શરૂઆત પહેલાં એક શાનદાર ટ્રીપ પ્લાન કરવા માંગતા હોવ, તો ભારતમાં એવા ઘણા સ્થળો છે જે માર્ચ મહિનામાં મુલાકાત લેવા માટે સૌથી સુંદર માનવામાં આવે છે. પછી તે પહાડો હોય, રણ હોય કે આધ્યાત્મિક સ્થળ, અહીં દરેક માટે કંઈક ખાસ છે.

1.ઋષિકેશ, ઉત્તરાખંડ (Rishikesh)

માર્ચ મહિનામાં ઋષિકેશમાં વાતાવરણ ખૂબ જ ખુશનુમા હોય છે.

ખાસિયત: આ મહિને અહીં વિશ્વ પ્રસિદ્ધ ‘ઇન્ટરનેશનલ યોગ ફેસ્ટિવલ’ યોજાય છે.

એક્ટિવિટી: તમે ગંગા આરતીનો લ્હાવો લઈ શકો છો અને રિવર રાફ્ટિંગ તેમજ બંજી જમ્પિંગ જેવા એડવેન્ચરની મજા માણી શકો છો.

2.ઉદયપુર, રાજસ્થાન (Udaipur)

તળાવોના શહેર ઉદયપુર માટે માર્ચ મહિનો બેસ્ટ છે કારણ કે અહીં એપ્રિલથી ગરમી વધવા લાગે છે.

ખાસિયત: અહીંની હોળી ખૂબ જ પ્રખ્યાત છે. શાહી મહેલોમાં ઉજવાતી હોળી જોવાનો અનુભવ અદ્ભુત હોય છે.

એક્ટિવિટી: પિછોલા લેકમાં બોટિંગ અને સિટી પેલેસની મુલાકાત લેવાનું ભૂલતા નહીં.

3.મુન્નાર, કેરળ (Munnar-March)

દક્ષિણ ભારતમાં જો તમારે લીલોતરી જોવી હોય, તો મુન્નાર શ્રેષ્ઠ વિકલ્પ છે.

ખાસિયત: માર્ચમાં અહીં ચાના બગીચાઓ ખીલી ઉઠે છે. વાતાવરણમાં હળવી ઠંડક હોવાથી હનીમૂન કપલ્સ અને ફેમિલી માટે આ સ્વર્ગ સમાન છે.

એક્ટિવિટી: એરાવિકુલમ નેશનલ પાર્કની મુલાકાત અને ટી મ્યુઝિયમ જોવાની મજા કંઈક અલગ જ છે.

4.મથુરા-વૃંદાવન, ઉત્તર પ્રદેશ (Mathura-Vrindavan)

જો તમારે આધ્યાત્મિકતા અને તહેવારોનો સાચો આનંદ લેવો હોય, તો માર્ચમાં મથુરા ચોક્કસ જવું જોઈએ.

ખાસિયત: માર્ચમાં હોળીનો તહેવાર હોવાથી અહીંની લાઠમાર હોળી અને ફૂલોની હોળી જોવા માટે આખી દુનિયાથી લોકો આવે છે. આખા મહિના દરમિયાન કૃષ્ણ ભક્તિનો અનોખો માહોલ જોવા મળે છે.

5.સિક્કિમ (Sikkim)

જો તમારે હજુ પણ થોડો બરફ જોવો હોય અને ભીડથી દૂર રહેવું હોય, તો સિક્કિમ જાવ.

ખાસિયત: માર્ચમાં (March) અહીંના રસ્તાઓ ખુલી જાય છે અને કુદરતી સૌંદર્ય તેની ચરમસીમાએ હોય છે.

એક્ટિવિટી: સોમગો લેક (Tsomgo Lake) અને નાથુલા પાસની મુલાકાત યાદગાર બની રહેશે.

6.રણથંભોર, રાજસ્થાન (Ranthambore)

વાઇલ્ડલાઇફના શોખીનો માટે માર્ચ (March) મહિનો ટાઇગર સાઇટિંગ માટે શ્રેષ્ઠ છે.

ખાસિયત: પાનખરની શરૂઆત હોવાથી જંગલ થોડું ખુલ્લું થાય છે, જેનાથી વાઘ જોવાની શક્યતા વધી જાય છે.

માર્ચ (March) મહિનો પ્રવાસ માટે એક સુવર્ણ તક છે. તમારી પસંદગી મુજબ તમે પહાડો કે રણના સ્થળો પસંદ કરી શકો છો. સમયસર ટિકિટ અને હોટલ બુકિંગ કરાવી લેવું હિતાવહ છે જેથી તમે શાંતિથી વેકેશન માણી શકો.

આ પણ વાંચો:  નાઈટ ટ્રેકિંગનો પ્લાન છે? તો રાત્રે જંગલ કે પહાડ પર જતા પહેલા આ 5 સેફ્ટી ટિપ્સ ગાંઠે બાંધી લેજો

આ પણ વાંચો:  ભારતના આ 5 પુલ છે એન્જિનિયરિંગના બેજોડ નમૂના, ફોટા જોઈને તમે પણ કહેશો ‘વાહ

આ પણ વાંચો: ઉદયપુરના આ ‘તરતા મહેલ’માં લગ્ન કરવાનું સપનું દરેક કપલનું હોય છે! જાણો જગમંદિર પેલેસનું ભાડું અને સુવિધાઓ