Bulandshahr Crime News: ઉત્તર પ્રદેશ (Uttar Pradesh Crime)ના બુલંદશહરમાં સગીરા સાથે દુષ્કર્મ (Gang Rape Case) અને ત્યારબાદ તેને નહેરમાં ધકેલી દેવાનો ગંભીર મામલો સામે આવ્યો છે. પોલીસના જણાવ્યા અનુસાર, ખુર્જા દેહાત પોલીસ સ્ટેશન વિસ્તારમાં બનેલી આ ઘટનામાં બે આરોપીઓની ધરપકડ કરવામાં આવી છે. ઘટના બાદ પોલીસની ડાયલ 112 ટીમે નહેરમાંથી સગીરાને સુરક્ષિત બહાર કાઢી હતી.
પોલીસ (Bulandshahr Police)ને 7 ઓક્ટોબરની સવારે નહેરમાં એક યુવતી ડૂબી રહી હોવાની માહિતી મળી હતી. માહિતી મળતા જ ડાયલ 112ની ટીમ ઘટનાસ્થળે પહોંચી અને યુવતીને બહાર કાઢી હતી. ત્યારબાદ તેને મિશન શક્તિ કેન્દ્ર ખાતે લઈ જવામાં આવી હતી. અહીં યુવતીએ પોલીસને ઘટનાની જાણકારી આપી હતી.
Bulandshahr Crime News: ઓળખીતા યુવકો પર ગંભીર આરોપ
પોલીસના જણાવ્યા પ્રમાણે, યુવતીએ બે ઓળખીતા યુવકો શફીક અને ભૂરા પર તેને પોતાની સાથે લઈ જઈ દુષ્કર્મ (Bulandshahr Rape Case) કરવાનો આરોપ લગાવ્યો છે. યુવતીને દિલ્હી પહોંચાડવાની વાત કહી બંને તેને બાઈક પર લઈને ગયા હોવાનું પોલીસ તપાસમાં સામે આવ્યું છે.
આરોપ છે કે બંને યુવકો તેને નહેર નજીક લઈ ગયા હતા. ત્યાં ઘટના બાદ યુવતીએ વિરોધ કર્યો તો તેને નહેરમાં ધકેલી દેવામાં આવી હતી. જોકે, સમયસર પોલીસ ટીમ પહોંચી જતાં તેનો જીવ બચી ગયો હતો.
પરિવારથી અલગ રહી રહી હતી સગીરા
પોલીસ તપાસમાં યુવતીના પરિવાર અને તેના અગાઉના રહેઠાણ અંગે પણ માહિતી સામે આવી છે. બાળપણથી જ તે પરિવારથી અલગ રહી હોવાનું પોલીસનું કહેવું છે. અગાઉ તે દાદી અને ત્યારબાદ સંબંધીઓ સાથે રહેતી હતી. થોડા સમય માટે તે પોતાની માતા સાથે અન્ય રાજ્યમાં પણ ગઈ હતી, પરંતુ બાદમાં બુલંદશહર પરત આવી હતી.
પોલીસના જણાવ્યા અનુસાર, યુવતીના પરિવારની આરોપીઓ સાથે અગાઉથી ઓળખાણ હતી.
12 કલાકમાં બંને આરોપી ઝડપાયા
ઘટનાની માહિતી મળ્યા બાદ પોલીસે આરોપીઓને પકડવા માટે તપાસ શરૂ કરી હતી. અધિકારીઓના જણાવ્યા અનુસાર, લગભગ 12 કલાકની અંદર બંને આરોપીઓને કસ્ટડીમાં લેવામાં આવ્યા. એક આરોપીની ધરપકડ 7 ઓક્ટોબરની સાંજે થઈ હતી, જ્યારે બીજા આરોપીને બાદમાં થયેલી પોલીસ કાર્યવાહી દરમિયાન પકડવામાં આવ્યો હતો.
પીડિતાનું મેડિકલ પરીક્ષણ કરાવવામાં આવ્યું છે અને કોર્ટમાં તેનું નિવેદન નોંધવાની પ્રક્રિયા હાથ ધરવામાં આવી છે. પોલીસે કેસના તમામ પાસાઓની તપાસ શરૂ કરી છે.
આ પણ વાંચો: અમદાવાદના રામોલમાં 12 વર્ષની સગીરા પર મોટાબાપુએ જ આચર્યું દુષ્કર્મ, પોલીસે કરી ધરપકડ
આ પણ વાંચો: આણંદના ખંભાતમાં સગીર દીકરી પર પાંચ વર્ષ સુધી દુષ્કર્મનો આરોપ, સગા પિતાની ધરપકડ
આ પણ વાંચો: અમદાવાદમાં સગીરા પર દુષ્કર્મ કેસમાં 28 વર્ષીય આરોપીને આજીવન કેદ
