આ વાત તો આપણે બધા જાણીયે છીએ 70 ટકા હાડકાં કેલ્શિયમ ફોસ્ફેટથી બનેલા હોય છે, તેથી આહારમાં કેલ્શિયમ લેવું જરૂરી છે, પરંતુ સ્ત્રીઓના શરીરમાં ઘણીવાર તેની ઉણપ થવા લાગે છે, ખાસ કરીને જ્યારે તેઓ 30 વર્ષની વય વટાવે છે. કેટલીકવાર 30 વર્ષ પહેલાંની છોકરીઓ કેલ્શિયમની ઉણપ સાથે સંઘર્ષ કરે છે. જેનું કારણ જંકફૂડ એટલે કે પોષણયુક્ત ભોજન ન લેવું , તો ઘણા કેસમાં પીરિયડ્સ, પ્રેગ્નન્સી હોઈ શકે છે, તો ક્યારેક મહિલાઓ મેનોપોઝ પીરિયડમાં પહોંચી જાય છે, તેમના શરીરમાં કેલ્શિયમ પણ ઓછું થવા લાગે છે, પરંતુ મહિલાઓને આ ઉણપની જાણ નથી હોતી જેથી યોગ્ય સમયે ઈલાજ નથી કરી શકતી. પરિણામે, તે સંધિવા, સાંધાનો દુખાવો, હાઈપોકેલેસીમિયા જેવી સમસ્યાઓ માટે સંવેદનશીલ બની જાય છે.
જ્યારે શરીરમાં કેલ્શિયમ ઓછું થવા લાગે છે, ત્યારે…
• ચીડિયાપણું અને થાક સતત રહે છે.
• તમે નાની-નાની વાતો ભૂલી જવાનું શરૂ કરો છો કારણ કે કેલ્શિયમની ઉણપ મગજ પર પણ અસર કરે છે.
• હાથ-પગ દુખવા લાગે છે, તાવ-ગભરાટ અનુભવાય છે, શરીરમાં એનર્જી ઓછી રહે છે.
• સ્નાયુમાં ખેંચાણ – જડતા રહે છે.
• સાંધામાં દુખાવો, દાંત નબળા, અને સફેદ નિશાન દેખાવા લાગે છે.
• વાળ તૂટે છે અને ત્વચા શુષ્ક થઈ જાય છે.
• વારંવાર કસુવાવડ પણ થઈ શકે છે.
જો તમારા શરીરમાં કેલ્શિયમની ખૂબ જ ઉણપ છે, તો તેનું કારણ છે
હેલ્ધી ડાયટને બદલે તમે બહારનું જંક ફૂડ, ફાસ્ટ ફૂડ અને પ્રોસેસ્ડ ફૂડ ખાવાનુ થઈ શકે છે.
જો શરીરમાં વિટામિન ડીની ઉણપ હોય તો પણ કેલ્શિયમ શરીરમાં ટકી શકતું નથી.
જો તમને યોનિમાર્ગ સ્ત્રાવની સમસ્યા છે, તો તેમાં કેલ્શિયમની કમી પણ હોઈ શકે, પરંતુ અન્ય આવશ્યક તત્વો પણ બહાર આવે છે.
ખૂબ વધારે પીરિયડ્સ ફ્લો, સ્તનપાન, ગર્ભાવસ્થાને કારણે પણ કેલ્શિયમની ઉણપ થઈ શકે છે. કેલ્શિયમની ઉણપ મેનોપોઝના કારણે અને ઓછા એસ્ટ્રોજન હોર્મોનને કારણે પણ થઈ શકે છે.
આ ખામીને કેવી રીતે દૂર કરવી?
સૌથી પહેલા તો એ જાણી લો કે તમારા શરીરમાં કેલ્શિયમની કેટલી ઉણપ છે, જે તમને ટેસ્ટ દ્વારા જ ખબર પડશે. ડો.ની સલાહ લો જો સગર્ભા અને સ્તનપાન કરાવતી સ્ત્રીમાં કેલ્શિયમની ઉણપ હોય, તો તે તમને કેટલાક પુરક આપશે.
બીજી બાજુ, જો પીરિયડ્સ અને પોષક તત્વોની અછતને કારણે કેલ્શિયમ ઓછું થઈ રહ્યું છે, તો પણ તે તમને તમારી સ્થિતિ અનુસાર ગોળી લેવાનું સૂચન કરશે.
પરંતુ કેલ્શિયમયુક્ત ખોરાક લેશો તો કોઈ બીજા ખોરાકથી તમને આ વસ્તુઓ નહી મળે તેથી દૂધ, ચીઝ, દહીં, ટોફુ, સોયાબીન, સોયા દૂધ જેવા કેલ્શિયમયુક્ત ખોરાક લો.
લીલા પાંદડાવાળા જેમકે ભીંડા, પાલક, બ્રોકોલી વગેરે શાકભાજી ખાઓ. તેમજ ચિયા સીડ્સ, ફ્લેક્સસીડ્સ અને તલના બીજ ખાઓ.
દરરોજ લગભગ 20 મિનિટ વહેલી સવારનો સૂર્યપ્રકાશ લો, તેનાથી શરીરને વિટામિન ડી મળશે જે કેલ્શિયમ શોષણ માટે ખૂબ જ મહત્વપૂર્ણ છે. યાદ રાખો, સ્ત્રીઓએ 30 પછી કેલ્શિયમ લેવું જ જોઈએ કારણ કે કેલ્શિયમની ઉણપ તમારા શરીરને ઘણા નવા રોગોથી ઘેરી લે છે.
