Ahmedabad News: વિદેશમાં નોકરી અને ઉજ્જવળ ભવિષ્યના સપના જોતા યુવાનોને નિશાન બનાવી કેનેડાના વર્ક પરમિટ વિઝાના નામે લાખો રૂપિયાની છેતરપિંડી (Canada Visa Fraud) કરવાના ગંભીર આરોપો સામે આવ્યા છે. અમદાવાદના સેટેલાઇટ પોલીસ સ્ટેશનમાં નોંધાયેલી ફરિયાદ મુજબ, પિતા-પુત્ર અને તેમના સસરાએ મળીને ચાર યુવાનો સાથે આશરે 98.15 લાખ રૂપિયાની ઠગાઈ આચરી હોવાનું સામે આવ્યું છે.

કેનેડામાં નોકરી અપાવવાની લાલચ

ફરિયાદ અનુસાર, આરોપીઓએ કેનેડામાં નોકરી અને વર્ક પરમિટ (Canada Visa Fraud) અપાવવાની ખાતરી આપી હતી. યુવાનોને વિશ્વાસમાં લેવા માટે LMIA (Labour Market Impact Assessment) સંબંધિત દસ્તાવેજો આપવામાં આવ્યા હતા અને વિઝા પ્રક્રિયા શરૂ કરાવવામાં આવી હતી.પરંતુ બાદમાં દસ્તાવેજોની તપાસ દરમિયાન આ LMIA લેટર નકલી હોવાનું સામે આવતા સમગ્ર કૌભાંડનો પર્દાફાશ થયો હતો.

ચાર યુવાનોના વિઝા થયા રિજેક્ટ

નકલી દસ્તાવેજોના આધારે વિઝા (Canada Visa Fraud) પ્રક્રિયા હાથ ધરવામાં આવતા ચારેય અરજદારોના કેનેડા વિઝા રદ થઈ ગયા હતા. એમ્બેસી સ્તરે થયેલી ચકાસણીમાં LMIA લેટર ખોટા હોવાનું બહાર આવતા અરજદારોને ભારે આર્થિક નુકસાન ભોગવવું પડ્યું હતું.

Canada Visa Fraud: 98.15 લાખ રૂપિયાની લેવડદેવડ

પોલીસ ફરિયાદ મુજબ, વર્ષ 2023 દરમિયાન આરોપીઓએ કેનેડા વર્ક પરમિટની પ્રક્રિયા માટે કુલ 98.15 લાખ રૂપિયા મેળવ્યા હતા. વિઝા મંજૂર થશે અને કેનેડામાં નોકરી મળશે તેવા વચનો આપીને આ રકમ વસૂલવામાં આવી હોવાનું જણાવાયું છે.

કેનેડામાં રહેલો વ્યક્તિ હોવાનું સામે આવ્યું

તપાસમાં સામે આવ્યું છે કે સમગ્ર કૌભાંડમાં મુખ્ય ભૂમિકા કેનેડામાં રહેતા એક વ્યક્તિની હોવાનું માનવામાં આવે છે. આરોપી કેનેડાનો PR (Permanent Resident) ધરાવતો હોવાનું જણાવાય છે. તેણે પોતાના પરિવારજનો સાથે મળીને આ સમગ્ર ગોટાળો ગોઠવ્યો હોવાની આશંકા વ્યક્ત કરવામાં આવી રહી છે.

પોલીસની તપાસ તેજ

સેટેલાઇટ પોલીસે ત્રણેય આરોપીઓ સામે ગુનો નોંધી વધુ તપાસ શરૂ કરી છે. પોલીસ હાલ નાણાંની લેવડદેવડ, દસ્તાવેજોની સત્યતા અને અન્ય સંભવિત પીડિતોની વિગતો એકત્ર કરી રહી છે.તપાસ એ દિશામાં પણ ચાલી રહી છે કે શું આ જ ટોળકીએ અન્ય લોકોને પણ વિદેશ મોકલવાના નામે છેતર્યા છે કે કેમ. જો વધુ ભોગ બનનારાઓ સામે આવશે તો કેસનું વ્યાપક સ્વરૂપ બહાર આવી શકે છે.

વિદેશ જવાના સપના જોતા યુવાનો માટે ચેતવણી

આ ઘટના ફરી એકવાર સાબિત કરે છે કે વિદેશમાં નોકરી અને વિઝા (Canada Visa Fraud) અપાવવાના નામે થતાં કૌભાંડો સામે સાવચેત રહેવું જરૂરી છે. કોઈપણ દસ્તાવેજ કે ઓફર પર વિશ્વાસ કરતા પહેલા તેની સત્તાવાર ચકાસણી કરવી અને વિશ્વસનીય એજન્સી દ્વારા જ પ્રક્રિયા કરાવવી જરૂરી છે.

આ પણ વાંચો:કેનેડા PR, વર્ક અને સ્ટડી પરમિટ માટે કેટલો સમય લાગશે? જાણો સંપૂર્ણ માહિતી

આ પણ વાંચો:ભારતીયોને 2026માં કેનેડામાં PR મળવાનો મોકો, H-1B વિઝા હવે સળતાથી મળશે

આ પણ વાંચો:કેનેડામાં અભ્યાસ બાદ રોજગાર માટેના નવા નિયમો અમલમાં આવ્યા, હવે આ હશે PGWPની નવી શરતો