Kirti Chakra News: સીયાચીન સામેના યુદ્ધમાં કેપ્ટન અંશુમાન સિંહ શહીદ થયા. રાષ્ટ્રપતિ દ્રૌપદી મુર્મુએ શહીદ કેપ્ટન અંશુમાન સિંહની બહાદુરીને લઈને તેમને મરણોત્તર ‘કીર્તિ ચક્ર’ એનાયત કરાયું. ‘કીર્તિ ચક્ર’ કેપ્ટન અંશુમાન સિંહની માતા અને તેમની પત્ની સૃષ્ટિ સિંહે પ્રાપ્ત કર્યું હતું. રાષ્ટ્રપતિ દ્રૌપદી મુર્મુએ શુક્રવારે સેના અને અર્ધલશ્કરી દળોના 10 સૈનિકોને તેમની અદમ્ય હિંમત અને અસાધારણ બહાદુરી માટે કીર્તિ ચક્રથી સન્માનિત કર્યા.
19 જુલાઈ 2023 ના રોજ સિયાચીન ગ્લેશિયરમાં ભારતીય સેનાના બંકરોમાં આગ લાગી હતી. સૈનિકો આગથી ઘેરાયેલા હતા. યુપીના દેવરિયાના ‘લાયન’ કેપ્ટન અંશુમાન સિંહ પણ ત્યાં તૈનાત હતા. તેમણે આગથી ઘેરાયેલા બંકરમાં પ્રવેશ કર્યો અને ચાર સૈનિકોને સુરક્ષિત બહાર કાઢ્યા, પરંતુ તેઓ પોતે શહીદ થઈ ગયા.
કોણ છે કેપ્ટન અંશુમાન સિંહ
કેપ્ટન અંશુમાન સિંહ ઉત્તરપ્રદેશના દેવરિયાના લાર પોલીસ સ્ટેશન વિસ્તારના બરદિહા દલપતના રહેવાસી છે. તેમનો પરિવાર લખનૌના પારા મોહન રોડ પર રહે છે. તેમના પિતા રવિ પ્રતાપ સિંહ ભારતીય સેનામાં JCO રહી ચૂક્યા છે. જયારે માતા મંજુ સિંહ, ભાઈ ઘનશ્યામ અને બહેન તાન્યા સિંહ છે. બંને નોઈડામાં ડોક્ટર છે. અંશુમાન સિંહના લગ્ન પઠાણકોટની રહેવાસી સૃષ્ટિ સિંહ સાથે શહીદ થયાના 6 મહિના એટલે કે 10 ફેબ્રુઆરી 2023 પહેલા જ થયા હતા. કેપ્ટન અંશુમાન સિંહની પત્ની સૃષ્ટિ સિંહ વ્યવસાયે એન્જિનિયર છે અને MNC, નોઈડામાં કામ કરે છે. કેપ્ટન અંશુમાને અભ્યાસ પૂરો કર્યા પછી પુણેની ઈન્ડિયન આર્મર્ડ ફોર્સ મેડિકલ કોલેજમાં પ્રવેશ લીધો હતો. પુણેથી એમબીબીએસ કર્યા બાદ અંશુમણિ સિંહ ભારતીય સેનાના મેડિકલ કોર્પ્સમાં જોડાયા.
કેપ્ટન અંશુમાન સિંહને જુલાઈ 2023 માં સિયાચીન ગ્લેશિયર ખાતે 26 મદ્રાસ સાથે જોડાણ પર 26 પંજાબ બટાલિયનની 403 ફિલ્ડ હોસ્પિટલમાં રેજિમેન્ટલ મેડિકલ ઓફિસર તરીકે પોસ્ટ કરવામાં આવ્યા હતા.
બુધવાર, 19 જુલાઈ, 2023, બુધવારે સવારે 3:30 વાગ્યે, સિયાચીન ગ્લેશિયરમાં ભારતીય સેનાના દારૂગોળાના બંકરમાં શોર્ટ સર્કિટને કારણે આગ ફાટી નીકળી હતી અને ઘણા તંબુઓને પણ લપેટી લીધા હતા. સાથી સૈનિકો બંકરમાં ફસાયા હતા. કેપ્ટન અંશુમાન સિંહ તેને બચાવવા માટે બંકરમાં ઘૂસી ગયો હતો. ત્રણેય જવાનોને સુરક્ષિત બહાર કાઢવામાં આવ્યા હતા. આ દરમિયાન તે પોતે પણ ગંભીર રીતે ઘાયલ થયો હતો. દરેકને સારવાર માટે એરલિફ્ટ કરીને ચંદીગઢ લઈ જવામાં આવ્યા હતા, જ્યાં કેપ્ટન અંશુમાન સિંહ શહીદ થયા હતા.
આ પણ વાંચો: બે બાળકોના પિતાને સગીરા સાથે થયો પ્રેમ, છોકરીએ કર્યો ઈન્કાર… જાણો પછી શું થયું
