Charlie Hebdo: આ અઠવાડિયે તુર્કી અને સીરિયામાં આવેલા વિનાશક ભૂકંપ આવતા હજારો લોકોના મોત નિપજયા છે ત્યારે આ વિનાશ પર ફ્રેન્ચ વ્યંગાત્મક મેગેઝિન ચાર્લી હેબ્દોએ એક એવું કાર્ટૂન પ્રકાશિત કર્યું છે જેના પર લોકોનો ગુસ્સો ફાટી નીકળ્યો છે. લોકોનું કહેવું છે કે મેગેઝીને કુદરતી આફતમાં મૃત્યુ પામેલા લોકોની મજાક ઉડાવી છે. ઘણા જાણીતા પત્રકારો અને બૌદ્ધિકો મેગેઝિન પર ઇસ્લામોફોબિયાથી પીડિત હોવાનો આરોપ લગાવી રહ્યા છે અને ચાર્લી હેબ્દોના કાર્ટૂનને અસંવેદનશીલ ગણાવી રહ્યા છે.
✏️Le dessin du jour, par #Juin pic.twitter.com/kPcEqZDocO
— Charlie Hebdo (@Charlie_Hebdo_) February 6, 2023
ચાર્લી હેબ્દોએ Charlie Hebdo તુર્કીમાં આવેલા ભૂકંપ પછી ‘ડ્રોઈંગ ઓફ ધ ડે’ નામનું કાર્ટૂન પ્રકાશિત કર્યું હતું. કાર્ટૂનમાં ધ્વસ્ત ઈમારતો અને કાટમાળના ઢગલા પર ‘તુર્કીમાં ભૂકંપ’ લખવામાં આવ્યું છે. કાર્ટૂનની નીચે લખેલું હતું, ‘હવે ટેન્ક મોકલવાની જરૂર નથી.’ આ કાર્ટૂનમાં તુર્કીની સેનાએ અલગતાવાદી કુર્દના વિસ્તારોમાં ટેન્ક મોકલી છે અને મોર્ટાર શેલ સાથે તબાહી કરી છે. તુર્કી કુર્દને અલગતાવાદીઓ માટે એક મોટો ખતરો માને છે. આ કુર્દિશ પ્રભુત્વ ધરાવતો વિસ્તાર ભૂકંપથી સૌથી વધુ પ્રભાવિત થયો છે.
આ કાર્ટૂનને લઈને સોશિયલ મીડિયા Charlie Hebdo પર લોકોમાં ભારે રોષ જોવા મળી રહ્યો છે. ઘણાએ કાર્ટૂનને ‘જાતિવાદી’ અને અર્થ-ભાવનાવાળું ગણાવ્યું અને હજારો નિર્દોષ પીડિતોની મજાક ઉડાવવા બદલ તેની સખત નિંદા કરી. તુર્કીના વિદેશ મામલાના પત્રકાર સિરીન ઓઝનુરએ ટ્વિટ કર્યું, ‘તુર્કીના લોકોએ પણ મુશ્કેલીના સમયમાં તમારો સાથ આપ્યો અને આજે તમે લોકોના દર્દની મજાક ઉડાવવાની હિંમત કરો છો. એવા સમયે જ્યારે નાના બાળકો કાટમાળ નીચે દટાઈ ગયા છે ત્યારે આવા કાર્ટૂન બનાવતા તમને શરમ આવવી જોઈએ.
