બિહારના પૂર્વ ડેપ્યુટી સીએમ અને ભાજપના રાજ્યસભાના સાંસદ સુશીલ કુમાર મોદીને ટ્વિટર પર ખરાબ રીતે ટ્રોલ કરવામાં આવ્યા હતા જ્યારે તેમણે દાવો કર્યો હતો કે નરેન્દ્ર મોદી દેશના એકમાત્ર વડાપ્રધાન છે જે મુખ્યમંત્રી પણ રહી ચૂક્યા છે. સુશીલ મોદીનો આ દાવો ખોટો છે.
ભારતના વડાપ્રધાન બનનારા મુખ્યમંત્રીઓની યાદી
દેશના વડાપ્રધાન બન્યા પહેલા નરેન્દ્ર મોદી સતત 12 થી વધુ વર્ષો ગુજરાતના મુખ્યમંત્રી હતા. તેમના પહેલા પણ ઘણા મુખ્યમંત્રીઓ વડાપ્રધાન પદ સુધી પહોંચી ચૂક્યા છે અને આજે પણ મમતા બેનર્જી, અરવિંદ કેજરીવાલ જેવા મુખ્યમંત્રીઓ ત્યાં પહોંચવા માટે તેમની નજર દોડાવી રહ્યા છે. હા, નરેન્દ્ર મોદી ચોક્કસપણે ભાજપના પ્રથમ નેતા છે જે કોઈ રાજ્યના મુખ્યમંત્રી બન્યા બાદ વડાપ્રધાન પદ પર પહોંચ્યા છે. ચાલો દેશના નેતાઓ પર એક નજર કરીએ જેઓ વડાપ્રધાન બનતા પહેલા એક રાજ્યના મુખ્યમંત્રી પણ રહી ચૂક્યા છે.
મોરારજી દેસાઈ
ભારતના ચોથા વડાપ્રધાન મોરારજી દેસાઈ આ પદ પર પહોંચતા પહેલા મુખ્યમંત્રી પણ હતા. કટોકટી પછી મોરારજીના નેતૃત્વમાં કેન્દ્રમાં પ્રથમ બિનકોંગ્રેસી સરકારની રચના થઈ. તેઓ 24 માર્ચ 1977 થી 28 જુલાઈ 1979 સુધી ભારતના વડાપ્રધાન હતા. પીએમ બનતા પહેલા, તે 1952 થી 1956 સુધી તત્કાલીન બોમ્બે પ્રાંતના મુખ્યમંત્રી હતા. બાદમાં 1960 માં, બોમ્બે રાજ્યના સ્થાને વર્તમાન મહારાષ્ટ્ર અને ગુજરાત અસ્તિત્વમાં આવ્યા.
ચૌધરી ચરણ સિંહ
ચૌધરી ચરણ સિંહ, જેને ખેડૂતોના મસીહા કહેવામાં આવે છે, 28 જુલાઈ 1979 થી 14 જાન્યુઆરી 1980 સુધી દેશના વડાપ્રધાન હતા. તેઓ વડાપ્રધાન બનતા પહેલા બે વખત યુપીના મુખ્યમંત્રી પણ રહી ચૂક્યા છે. 1967 માં કોંગ્રેસથી અલગ થયા બાદ તેમણે બહુજન ક્રાંતિ દળ નામની અલગ પાર્ટી બનાવી. રામ મનોહર લોહિયા અને રાજ નારાયણ જેવા નેતાઓના ટેકાથી તેઓ 3 એપ્રિલ 1967 ના રોજ પ્રથમ વખત યુપીના મુખ્યમંત્રી બન્યા અને 25 ફેબ્રુઆરી સુધી તેમના પદ પર રહ્યા. બાદમાં તેઓ 18 ફેબ્રુઆરી 1970 થી 1 ઓક્ટોબર 1970 સુધી ફરી મુખ્યમંત્રી રહ્યા.
વિશ્વનાથ પ્રતા સિંહ
ચૌધરી ચરણ સિંહની જેમ, યુપીના અન્ય મુખ્યમંત્રીને પણ વડાપ્રધાન બનવાની તક મળી હતી. આ નામ વિશ્વનાથ પ્રતાપ સિંહ એટલે કે વીપી સિંહનું છે. તેઓ 1989 થી 1990 સુધી વડાપ્રધાન હતા. તેમના કાર્યકાળમાં જ મંડલ કમિશનનો ઐતિહાસિક અહેવાલ અમલમાં મુકાયો હતો, ત્યારબાદ સરકારી નોકરીઓ અને શિક્ષણમાં ઓબીસી માટે અનામત લાવવામાં આવ્યું હતું. વીપી સિંહ 1980 થી 1982 સુધી ઉત્તર પ્રદેશના મુખ્યમંત્રી હતા.
પીવી નરસિંહ રાવ
ભારતમાં આર્થિક સુધારાના પિતા, પૂર્વ વડાપ્રધાન પી.વી. નરસિંહ રાવ પણ મુખ્યમંત્રી રહ્યા હતા. તેઓ ભારતના વડાપ્રધાન બનનાર દક્ષિણ ભારતના પ્રથમ નેતા હતા. રાવ જૂન 1991 થી મે 1996 સુધી દેશના વડાપ્રધાન હતા. તેઓ 1971 થી 1973 સુધી આંધ્ર પ્રદેશના મુખ્યમંત્રી પણ રહ્યા હતા. નાણામંત્રી તરીકેના તેમના કાર્યકાળ દરમિયાન ભારતમાં આર્થિક સુધારાનો પાયો નાખ્યો હતો.
એચડી દેવગૌડા
એચડી દેવગૌડા જૂન 1996 થી એપ્રિલ 1997 સુધી વડાપ્રધાન હતા. તેમણે યુનાઇટેડ ફ્રન્ટ સરકારનું નેતૃત્વ કર્યું. તેઓ વડાપ્રધાન બન્યા ત્યાં સુધી કર્ણાટકના મુખ્યમંત્રી હતા. તેઓ 11 ડિસેમ્બર 1994 થી 31 મે 1996 સુધી મુખ્યમંત્રી હતા. CM પદેથી રાજીનામું આપ્યા બાદ, તેમણે 1 જૂન 1996 ના રોજ વડાપ્રધાન તરીકે શપથ લીધા. જોકે, તેઓ વડાપ્રધાન તરીકે એક વર્ષ પણ પૂરું કરી શક્યા નથી.
સુરત / હીરા વેપારીને ત્યાં 23 સ્થળો પર ITના દરોડા, 500 કરોડની છેતરપિંડી પકડાઈ
Technology / ચાઇનીઝ ફોન ફેંકી દો અને તેનો ઉપયોગ કરવાનું ટાળો, આ દેશે તેના નાગરિકોને કરી આ અપીલ
Auto / MG Hector નું સસ્તું વેરિએન્ટ થશે બંધ, કેમેરા-ટચસ્ક્રીન જેવી સુવિધાઓ હતી ઉપલબ્ધ
BSNLએ Jioને આપી માત / વર્ષભર ચાલતો પ્લાન Jio કરતા વધુ શક્તિશાળી છે, કિંમતમાં પણ છે કિફાયતી
Technology / એક ક્લિકમાં ફોનમાંથી તમામ ડુપ્લિકેટ કોન્ટેક્ટ નંબરને આ રીતે દૂર કરો
