ચીનની સરકારે યુએસ નેવીનાં બે જહાજોને હોંગકોંગમાં જવાની મંજૂરી આપી નથી. આ માહિતી યુએસ અધિકારીઓએ આપી છે. યુએસ પેસિફિક ફ્લીટનાં નાયબ પ્રવક્તા કમાન્ડર નેટ ક્રિસ્ટેસને મંગળવારે જણાવ્યું હતું કે, ‘યુએસએસ ગ્રીન બે’ જહાજ 17 ઓગસ્ટમાં હોંગકોંગ અને સપ્ટેમ્બરમાં ‘યુએસએસ લેક એરી’ જવા રવાના થવાનું હતું.
ક્રિસ્ટેસને કહ્યું કે, વિનંતીને સ્વીકાર ન કરવા માટેનું કારણ ફક્ત ચીન સમજાવી શકે છે. તેમણે કહ્યું કે, યુએસ નેવી હોંગકોંગ બંદરની મુલાકાત ફરી શરૂ કરવાની આશા રાખે છે. છેલ્લું નેવી જહાજ ‘યુએસએસ બ્લૂ રિજ’ એપ્રિલ 2019 માં ત્યાં રવાના થયું હતું. ચીનનાં લોકોને પ્રત્યાર્પણ કરવાના બિલ અંગેનાં રોષ પછી, લાખો હોંગકોંગ લોકો શેરીઓ પર ઉતરી આવ્યા છે. આપને જણાવી દઇએ કે, યુકેએ 1997 માં હોંગકોંગને ચીન આપ્યું હતું.
બીજી તરફ, હોંગકોંગ વિમાનમથક પર લોકશાહી સમર્થકો દ્વારા કરવામાં આવેલા પ્રદર્શનનાં કારણે અંધાધૂંધીનાં એક દિવસ બાદ બુધવારે નિર્ધારિત સમયે મોટાભાગની ફ્લાઇટ્સ રવાના થઈ. પ્રદર્શનકારીઓએ મંગળવારે સતત બીજા દિવસે એરપોર્ટનાં બે ટર્મિનલને વિક્ષેપિત કર્યા, સેંકડો ફ્લાઇટ્સ રદ કરવાની ફરજ પડી. હોંગકોંગમાં 10 અઠવાડિયાથી રાજકીય ગતિરોધ ચાલુ છે.
વિરોધ પ્રદર્શન કરનારાઓએ મંગળવારે બપોરે મુસાફરોને વિમાનમાં ચઢતા અટકાવ્યા હતા. આ પછી મોડી સાંજે એરપોર્ટ ટર્મિનલની બહાર પોલીસ અને વિરોધીઓ વચ્ચે ઘર્ષણ થયું હતું. તેઓ બે શખ્સ પર ડિટેક્ટીવ અથવા પોલીસનાં માણસો હોવાનો આક્ષેપ લગાવી રહ્યા હતા.
જો કે, મોટાભાગનાં વિરોધીઓએ બુધવારે સવારે ટર્મિનલ બિલ્ડિંગને ખાલી કરી દીધું હતું અને તે પછી નિયમિત સમયપત્રક પ્રમાણે ફ્લાઇટ્સનું સંચાલન શરૂ થયું હતું. એરપોર્ટ વેબસાઇટ અનુસાર, 12 જેટલા વિમાનોએ મંગળવારે રાત્રે ઉડાન ભરી હતી અને બુધવારે સેંકડો ઉડાન પણ સંચાલિત થવાની છે, જો કે આમાંની ઘણી ફ્લાઇટ્સ વિલંબમાં હોવાના અહેવાલ છે.
ઉલ્લેખનીય છે કે, કોઈને ચીન પ્રત્યાર્પણ કરવાના બિલને લઈને હંગામો મચાવ્યા પછી લાખો હોંગકોંગનાં લોકો શેરીઓમાં ઉતરી ગયા છે. યુકેએ 1997 માં ચીનને હોંગકોંગ આપ્યું હતું. હવે આટલા વર્ષો બાદ ચીની શાસન સમક્ષ સૌથી મોટો પડકાર ઉભો થયો છે. આપને જણાવી દઇએ કે, વિશ્વનાં સૌથી વ્યસ્ત હવાઇમથકોમાંના એક હોંગકોંગ એરપોર્ટ પર બે દિવસનાં વિરોધ પ્રદર્શનએ મુશ્કેલ પરિસ્થિતિનું નિર્માણ કર્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
