બુધવારે રાફેલ લડાકુ વિમાન ભારત આવી રહ્યું છે. ફ્રાન્સથી પાંચ વિમાનોની પ્રથમ ખેપ UAE હવાઈ માર્ગે અંબાલા એરબેઝ પર પહોંચશે. અંબાલામાં વિમાનોનાં સ્વાગતની વિશેષ તૈયારી છે, સાથે જ એરફોર્સની તાકાતમાં વધારો થવાને કારણે દેશની તાકાતમાં વધારો થયો છે. દરમિયાન, ભારતીય વાયુસેનાનાં પાઇલોટ્સ જે આ વિમાનોને ભારત લાવી રહ્યા છે, તેમના ઘર અને ગામમાં ગૌરવનું વાતાવરણ છે.
વિંગ કમાન્ડર અભિષેક ત્રિપાઠી રાફેલને અંબાલા લાવશે. તેમનો પરિવાર જયપુરમાં રહે છે, જ્યાં તે મોટા થયા અને અભ્યાસ પૂરો કર્યો. તેમના વતન ગામ હરદોઇમાં ખુશીનું વાતાવરણ છે અને દરેકને તેમના પર ગર્વ છે. અહીં રહેતા સબંધીઓએ અભિષેકની પ્રશંસા કરી અને તેમનુ ગૌરવ વ્યક્ત કર્યું.
આ સિવાય રાફેલ વિમાનને લઇને ફ્રાંસ અને ભારતની વચ્ચે ડીલ કરાવતા સમયે આ વિમાનોની ડિલીવરી કરાવવામાં જમ્મુ-કાશ્મીરનાં વતની અર કોમોડોર હિલાલ અહમદના પણ ખૂબ વખાણ થઇ રહ્યા છે. તે ફ્રાંસમાં ભારતીય વાયુસેનાથી જોડાયેલા છે, ડીલ કરાવવામાં તેમનો ઘણો મહત્વનો ફાળો રહ્યો છે.
નોંધપાત્ર વાત એ છે કે બુધવારે બપોરે બે વાગ્યે રાફેલ વિમાન અંબાલામાં ઉતરશે. આ વિમાનોએ મંગળવારે ફ્રાન્સથી ઉડાન ભરી હતી, ત્યારબાદ તેઓ યુએઈમાં થોડા સમય માટે રોકાઈ ગયા હતા. બુધવારે સવારે તેઓએ ત્યાંથી ઉડાન ભરી હતી, ત્યારબાદ તેઓ ભારત માટે રવાના થયા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
