કોરોના વાયરસનાં કારણે દિલ્હી મેટ્રોની કામગીરી લાંબા સમયથી પ્રભાવિત છે. જેની અસર હવે તેના ખજાના પર પણ જોવા મળી રહી છે. દિલ્હી મેટ્રોએ હવે કર્મચારીઓનાં પગાર અને ભથ્થામાં કાપ મૂકવાનું શરૂ કર્યું છે. આ મહિનાથી આવતા ઓર્ડર સુધી, તેમાં 50 ટકાનો ઘટાડો કરવામાં આવ્યો છે. દિલ્હી મેટ્રોએ આ અંગે એક આદેશ પણ જારી કર્યો છે.
ડીએમઆરસી દ્વારા જારી કરવામાં આવેલા આંતરિક આદેશમાં કહેવામાં આવ્યું છે કે, મેટ્રો સેવા ચાલુ ન હોવાને કારણે આર્થિક સ્થિતિ ખૂબ જ ખરાબ છે, તેથી આવા નિર્ણયો લેવા પડશે. આગામી હુકમ સુધી ઓગસ્ટથી પર્ક્સ અને ભથ્થાને ઘટાડીને 50 ટકા કરવામાં આવ્યા છે. દિલ્હી મેટ્રોનાં કર્મચારીઓને તેમના મૂળ પગારનાં 15.75 ટકા પર્ક્સ અને ભથ્થા મળશે. ઓગસ્ટનાં પગારમાં, ભથ્થાં મૂળ પગારનાં 15.75 % ના દરે ચૂકવવાપાત્ર રહેશે. દિલ્હી મેટ્રો દ્વારા જારી કરાયેલા આદેશમાં ટાંકવામાં આવ્યુ છે કે, કોરોના વાયરસનાં કારણે મેટ્રો કાર્યરત નથી. જે એક મોટી આર્થિક મુશ્કેલીનો સામનો કરી રહી છે. જોકે, મેટ્રો કર્મચારીઓ તબીબી સારવાર, ટી.એ. અને ડી.એ. જેવી અન્ય સુવિધાઓનો લાભ લઈ શકશે. આ સિવાય મેટ્રો કર્મચારીઓને મળતી તમામ એડવાન્સ પર પણ આગામી ઓર્ડર સુધી પ્રતિબંધ મૂકવામાં આવ્યો છે. પહેલાથી મંજૂર કરાયેલાઓને જ એડવાન્સ આપવામાં આવશે.
હાઉસ બિલ્ડિંગ એડવાન્સ, મલ્ટિપર્પઝ એડવાન્સ, લેપટોપ એડવાન્સ, ફેસ્ટિવલ એડવાન્સ જેવા ઘણા એડવાન્સિસ પર તાત્કાલિક અસરથી પ્રતિબંધ મૂકવામાં આવ્યો છે. આ દરમિયાન, ડીએમઆરસી દ્વારા કહેવામાં આવ્યું છે કે, દિલ્હી મેટ્રો સેવા બંધ હોવાને કારણે દરરોજ તેને 10 કરોડનું મહેસૂલ નુકસાન થતું હોય છે. આ દ્રષ્ટિકોણથી, તેને એક મહિનામાં 300 કરોડનું નુકસાન થઈ રહ્યું છે. કોરોના વાયરસનાં કારણે 22 માર્ચથી દિલ્હી મેટ્રો સેવાઓ બંધ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
