ભારતે કોરોના વાયરસની રસી તરફ વધુ એક મહત્વપૂર્ણ પગલું ભર્યું છે. સીરમ ઇન્સ્ટિટ્યૂટ ઓફ ઇન્ડિયાએ કોરોના રસીના ફેઝ 2, 3 ના ક્લિનિકલ ટ્રાયલ્સ શરૂ કર્યા છે. આ સમય દરમિયાન 1600 લોકોને રસી આપવામાં આવશે અને તેનું પરીક્ષણ કરવામાં આવશે કે તે કેટલું સલામત અને અસરકારક છે. ડ્રગ કંપનીને આ મહિનામાં ડ્રગ્સ કંટ્રોલર જનરલ ઓફ ઈન્ડિયા (ડીસીજીઆઈ) દ્વારા અજમાયશ માટે મંજૂરી આપવામાં આવી હતી.
આ રસી અજમાયશ 18 કે તેથી વધુ વય ધરાવતા 1600 યોગ્ય વયજૂથના લોકો પર હાથ ધરવામાં આવશે. આ રસી ટ્રાયલ દેશના 17 સ્થળોએ લેવામાં આવશે. કુલ 1600 સહભાગીઓમાંથી, 400 રોગપ્રતિકારક શક્તિનો ભાગ બનશે અને 3: 1 ગુણોત્તરમાં COVISHIELD અથવા Oxford/AZ-ChAdOx1 nCoV-19 રસી આપવામાં આવશે. બાકીના 1200 સહભાગીઓ સંરક્ષણ જૂથનો ભાગ બનશે અને 3: 1 ના ગુણોત્તરમાં રેન્ડમલી COVISHIELD or Placebo રસી આપવામાં આવશે.
ક્લિનિકલ ટ્રાયલ રજિસ્ટ્રી ભારતે જણાવ્યું છે કે કોવિશિલ્ડના બે ડોઝ (COVID-19 રસી) લાગુ કરવામાં આવશે. એક પ્રથમ દિવસે અને બીજો 29 મી દિવસે. સ્નાયુમાં 0.5 એમએલની માત્રા આપવામાં આવશે. Oxford/AZ- ChAdOx1NcOV-19નો ડોઝ સમાન રીતે આપવામાં આવશે. પ્લેસિબોના બે ડોઝ પણ આપવામાં આવશે, પ્રથમ દિવસે અને 29 મીએ, સ્નાયુઓમાં 0.5 મિલીલીટરની માત્રા લાગુ કરવામાં આવશે.
આ સ્થળોએ ટ્રાયલ
આંધ્ર મેડિકલ કોલેજ (વિશાખાપટ્ટનમ), જેએસએસ એકેડેમી ઓફ હાયર એજ્યુકેશન એન્ડ રિસર્ચ (મૈસુર), શેઠ જીએસ મેડિકલ કોલેજ અને કેઈએમ હોસ્પિટલ (મુંબઇ), કેઈએમ હોસ્પિટલ રિસર્ચ સેન્ટર (વડુ), બીજે મેડિકલ કોલેજ અને સસૂન જનરલ હોસ્પિટલ (પૂણે), ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સ (જોધપુર), રાજેન્દ્ર મેમોરિયલ રિસર્ચ ઇન્સ્ટિટ્યૂટ ઓફ મેડિકલ સાયન્સ (પટના), ઇન્સ્ટિટ્યૂટ ઓફ કમ્યુનિટિ મેડિસિન (મદ્રાસ), પોસ્ટ ગ્રેજ્યુએટ ઇન્સ્ટિટ્યૂટ ઓફ મેડિકલ એજ્યુકેશન એન્ડ રિસર્ચ (પીજીઆઈએમઇઆર), ભારતીય વિદ્યાપીઠ ડીમ્ડ યુનિવર્સિટી મેડિકલ કોલેજ અને હોસ્પિટલ (પૂણે) , જહાંગીર હોસ્પિટલ (પુણે), એઈમ્સ (દિલ્હી), આઈસીએમઆર – પ્રાદેશિક તબીબી સંશોધન કેન્દ્ર (ગોરખપુર), ટી.એન. મેડિકલ કોલેજ અને બીવાયવાય નાયર હોસ્પિટલ (મુંબઇ), મહાત્મા ગાંધી મેડિકલ સાયન્સ ઇન્સ્ટિટ્યૂટ (સેવાગ્રામ) અને સરકારી મેડિકલ કોલેજ (નાગપુર)
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
