શનિવારે મહારાષ્ટ્રના પૂર્વ મુખ્ય પ્રધાન દેવેન્દ્ર ફડણવીસ અને શિવસેનાના સાંસદ સંજય રાઉત વચ્ચેની બેઠક બાદ રાજકીય વર્તુળોમાં ગરમાવો આવ્યો છે. આ ગુપ્ત બેઠકથી એનસીપીના પ્રમુખ શરદ પવારને પણ આશ્ચર્ય થયું હતું અને આજે એટલે કે રવિવારે તેઓ મુખ્યમંત્રી ઉદ્ધવ ઠાકરેને મળવા ગયા હતા.
સૂત્રોના જણાવ્યા અનુસાર પવાર સીએમ ઠાકરેને તેમના સત્તાવાર નિવાસ સ્થાને મળ્યા હતા અને આ બેઠક લગભગ 40 મિનિટ સુધી ચાલી હતી. આ બેઠકમાં કયા મુદ્દા પર ચર્ચા કરવામાં આવી તે અંગેની માહિતી હજી ઉપલબ્ધ નથી. જોકે, સૂત્રોએ જણાવ્યું હતું કે, આગામી દિવસો માટે અનલોકિંગ પ્રક્રિયા અને કોવિડ -19 જેવા મુદ્દાઓની રાજ્યમાં ચર્ચા કરવામાં આવી છે.
જણાવી દઈએ કે શનિવારે મહારાષ્ટ્રના પૂર્વ મુખ્ય પ્રધાન દેવેન્દ્ર ફડણવીસ અને શિવસેનાના સાંસદ સંજય રાઉત એક હોટલમાં મળ્યા હતા. જો કે, આ બેઠક બાદ બંને નેતાઓએ કોઈપણ અટકળોનો અંત લાવી દીધો હતો.
ફડણવીસે કહ્યું કે સંજય રાઉતજી શિવસેનાના મુખપત્ર ‘સામના’ માટે મારો ઇન્ટરવ્યૂ લેવા માગે છે. આ અંગે ચર્ચા કરવા અમારી બેઠક મળી હતી. બેઠકમાં કોઈ રાજકીય વાતચીત થઈ ન હતી.
સંજય રાઉતે મીટિંગ અંગે સ્પષ્ટતા આપતા કહ્યું કે, ‘હું શનિવારે દેવેન્દ્ર ફડણવીસને મળ્યો હતો, જેથી કેટલાક મુદ્દાઓ પર ચર્ચા કરવામાં આવી હતી. તે પૂર્વ મુખ્યમંત્રી છે અને આપણી પાસે વૈચારિક મતભેદો હોઈ શકે છે પરંતુ અમે શત્રુ નથી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
