Winterમાં સન-ડ્રાયર વગર કપડાં નથી સુકાતા ?? જાણો ટ્રિક્સ

Lifestyle News:શિયાળો (Winter)આવતાની સાથે જ ગૃહિણીઓની સૌથી મોટી ચિંતા હોય છે ‘કપડાં સુકવવાની’. ઠંડા પવન અને તડકાના અભાવે કપડાં બે-ત્રણ દિવસ સુધી ભીના રહે છે. વળી, લાંબો સમય ભીના રહેવાને કારણે તેમાંથી એક પ્રકારની વિચિત્ર દુર્ગંધ (વાસી વાસ) આવવા લાગે છે, જે પહેરતી વખતે ખૂબ ખરાબ લાગે છે.

જો તમારા ઘરે ડ્રાયર નથી, તો ચિંતા કરવાની જરૂર નથી. અહીં કેટલીક એવી સરળ ટિપ્સ આપી છે જેનાથી તમે શિયાળા (Winter)માં પણ કપડાં ફટાફટ અને દુર્ગંધ વગર સુકવી શકશો.

1. વોશિંગ મશીનનો ‘હાઈ સ્પિન’ મોડ વાપરો

જો તમે મશીનમાં કપડાં ધોતા હોવ, તો ધોવાઈ ગયા પછી તેને એકવાર ફરીથી ‘હાઈ સ્પિન’ (High Spin) મોડ પર ફેરવો. આનાથી કપડાંનું વધારાનું પાણી મશીનમાં જ નીતરી જશે અને સુકવવાનો સમય અડધો થઈ જશે.

**2. શિયાળા(Winter)માં તડકો નહીં તો હવા કામ કરશે**

ઘણા લોકો તડકાની રાહ જુએ છે, પણ શિયાળા (Winter)માં તડકા કરતા ‘હવા’ વધુ મહત્વની છે. કપડાંને પંખા નીચે, બારી પાસે અથવા જ્યાં હવાની અવરજવર (Cross Ventilation) હોય ત્યાં સુકવો. હવા પાણીને જલ્દી શોષી લેશે.

3. જાડા કપડાં માટે ‘ટુવાલ ટેકનિક’

જીન્સ કે સ્વેટર જેવા જાડા કપડાં જલ્દી સુકાતા નથી. તેના માટે એક કોરો અને મોટો ટુવાલ લો. તેમાં ભીનું જીન્સ મૂકીને ગોળ વાળી દો અને પછી જોરથી દબાવો. ટુવાલ વધારાનું પાણી શોષી લેશે, પછી તેને સુકવો.

4. હેંગરનો ઉપયોગ કરો

દોરી પર કપડાં નાખવાને બદલે શર્ટ, કુર્તા કે પેન્ટને હેંગરમાં લટકાવીને સુકવો. આનાથી કપડાંની બંને બાજુ હવા લાગશે અને તે ઝડપથી સુકાશે. વળી, ઈસ્ત્રી કરવાની પણ ઓછી જરૂર પડશે.

5. અંતર રાખવું જરૂરી

દોરી પર કપડાં એકબીજાને અડાડીને કે ગીચોગીચ ન સુકવો. બે કપડાં વચ્ચે થોડી જગ્યા રાખો જેથી હવા પસાર થઈ શકે.

6. કપડાં ઊંધા કરી દો

શિયાળા (Winter)માં કપડાં હંમેશા ઊંધા (Inside Out) કરીને સુકવો. ખાસ કરીને જેકેટ અને પેન્ટ. અંદરનો ભાગ શરીરના સંપર્કમાં આવે છે, એટલે તે કોરો હોવો વધુ જરૂરી છે. આનાથી વાસ પણ ઓછી આવશે.

7. હીટર કે એક્ઝોસ્ટ ફેન

જો તમે બાથરૂમમાં કપડાં સુકવ્યા હોય, તો એક્ઝોસ્ટ ફેન ચાલુ રાખો જેથી ભેજ બહાર નીકળી જાય. રૂમમાં હીટર હોય તો તેની થોડે દૂર કપડાં મૂકી શકાય (સાવચેતી રાખવી જરૂરી છે).