શું રોજ ગરમ પાણીથી Bathingથી સ્કીન ખરાબ થાય ???

Lifestyle News :શિયાળાની ગુલાબી ઠંડીમાં સવારે હુંફાળી રજાઈમાંથી બહાર નીકળવાનું મન કોને થાય? અને તેમાં પણ સૌથી મોટો યક્ષપ્રશ્ન એ હોય છે કે “આજે નહાવું (Bathing)કે નહીં?” ઘણા લોકો ઠંડીના ડરે તો ઘણા લોકો આળસના કારણે શિયાળામાં રોજ નહાવાનું ટાળતા હોય છે. પણ શું તમને ખબર છે કે રોજ નહાવું કે ન નહાવું (Bathing)એ માત્ર સ્વચ્છતાનો જ નહીં, પણ સ્વાસ્થ્યનો પણ વિષય છે? ચાલો આજે આ ડિબેટનો અંત લાવીએ.

શું રોજ નહાવું (Bathing)જરૂરી છે?

વિજ્ઞાન મુજબ, જો તમે આખો દિવસ ઘરમાં જ રહો છો, તમને વધારે પરસેવો નથી થતો અથવા તમે કોઈ ભારે શારીરિક શ્રમ નથી કરતા, તો શિયાળામાં રોજ નહાવું (Bathing)ફરજિયાત નથી. વિજ્ઞાન કહે છે કે રોજ આખા શરીરને ઘસીને નહાવાને બદલે માત્ર શરીરના મુખ્ય ભાગો (જેમ કે ચહેરો, બગલ અને પ્રાઈવેટ પાર્ટ્સ) સાફ કરવા પૂરતા છે. આમ કરવાથી બેક્ટેરિયા અને ઈન્ફેક્શનનો ડર રહેતો નથી.

રોજ નહાવા (Bathing)ના ગેરફાયદા :

શિયાળામાં હવા શુષ્ક હોય છે. એવામાં જો તમે રોજ ગરમ પાણી અને સાબુથી સ્નાન કરો છો, તો:

ત્વચામાંથી ‘નેચરલ ઓઈલ’ (કુદરતી તેલ) નીકળી જાય છે.

ચામડી વધુ પડતી ડ્રાય (શુષ્ક) થઈ જાય છે.

શરીર પર ખંજવાળ આવવી અને ચામડી ફાટવાની સમસ્યા વધી શકે છે. તેથી, જો તમે રોજ નહાવ (Bathing)છો, તો સાબુનો ઉપયોગ ઓછો કરો અને પાણી બહુ ગરમ ન રાખો.

નહાવા (Bathing)ના ફાયદા :

બીજી બાજુ, નહાવું એ માત્ર મેલ કાઢવા માટે નથી.

તાજગી: સવારે હૂંફાળા પાણીથી સ્નાન કરવાથી શરીરમાં લોહીનું પરિભ્રમણ (Blood Circulation) સુધરે છે.

મૂડ: સ્નાયુઓને આરામ મળે છે, આળસ દૂર થાય છે અને મન પ્રફુલ્લિત થાય છે.

જો તમને સવારે ઉઠીને સુસ્તી લાગતી હોય, તો સ્નાન કરવું શ્રેષ્ઠ ઉપાય છે.

તો કરવું શું જોઈએ?

નિષ્ણાતોની સલાહ મુજબ, જો શિયાળામાં ખૂબ જ ઠંડી હોય તો તમે એક દિવસ છોડીને એક દિવસ (એકંતરે) સ્નાન કરી શકો છો. પણ જો તમે રોજ નહાવા માંગતા હોવ તો આટલું ધ્યાન રાખો:

1. પાણી ઉકળતું ગરમ ન હોવું જોઈએ, માત્ર હૂંફાળું વાપરો.

2. સાબુનો ઉપયોગ ઓછો કરો અથવા માઈલ્ડ સાબુ વાપરો.

3. નહાયા પછી તરત જ મોઈશ્ચરાઈઝર કે તેલ લગાવવાનું ભૂલશો નહીં.

ડિસ્ક્લેમર: પ્રિય વાચક, આ સમાચાર વાંચવા બદલ આભાર. આ સમાચાર ફક્ત તમારા જાગૃતિ હેતુ માટે લખાયેલા છે. અમે તેને લખવામાં ઘરેલું ઉપચાર અને સામાન્ય માહિતીનો ઉપયોગ કર્યો છે. જો તમે તમારા સ્વાસ્થ્ય અથવા ત્વચાને લગતી કંઈપણ વાંચ્યું હોય, તો કૃપા કરીને તેને લેતા પહેલા ડૉક્ટરની સલાહ લો.