પંજાબના મોહાલીમાં પોલીસ ઈન્ટેલિજન્સ યુનિટના હેડક્વાર્ટર પરિસરમાં સોમવારે રાત્રે રોકેટથી ચાલતા ગ્રેનેડ હુમલા બાદ સીએમ ભગવંત માન એક્શનમાં આવી ગયા છે. ભગવંત માને ડીજીપી સહિત તમામ ઉચ્ચ અધિકારીઓની ઉચ્ચ સ્તરીય બેઠક બોલાવી છે. મંગળવારે સવારે 10 વાગ્યે સીએમ ભગવંત માનના ઘરે આ બેઠક યોજાશે.
ભગવંત માનના કાર્યાલયમાંથી પ્રાપ્ત માહિતી અનુસાર, “CM વતી DGP સહિત તમામ મોટા અધિકારીઓની બેઠક બોલાવવામાં આવી છે. આ બેઠકમાં સમગ્ર ઘટના અને અત્યાર સુધી કરવામાં આવેલી કાર્યવાહીનો રિપોર્ટ માંગવામાં આવશે. આ બેઠક સવારે 10 વાગ્યે સીએમના નિવાસસ્થાને યોજાવાની છે.
જણાવી દઈએ કે સોમવારે રાત્રે મોહાલીમાં પોલીસ ઈન્ટેલિજન્સ યુનિટના હેડક્વાર્ટર પરિસરમાં રોકેટથી ચાલતા ગ્રેનેડ હુમલામાં ઈમારતના એક માળની બારીઓ તૂટી ગઈ હતી. વિસ્ફોટમાં કોઈને ઈજા થઈ નથી.
પોલીસે આ માહિતી આપી હતી
મોહાલીના સેક્ટર 77 સ્થિત ઓફિસમાં સાંજે લગભગ 7.45 કલાકે બ્લાસ્ટ થયો હતો. વિસ્ફોટના કારણે બિલ્ડિંગના એક માળની બારીના કાચ તૂટી ગયા હતા. મોહાલી પોલીસે એક નિવેદનમાં જણાવ્યું હતું કે, “સાંજે 7.45 વાગ્યે SAS નગરના સેક્ટર 77માં પંજાબ પોલીસ ઈન્ટેલિજન્સ હેડક્વાર્ટરના પરિસરમાં એક નાનો વિસ્ફોટ થયો હતો. કોઈ નુકસાનના અહેવાલ નથી. વરિષ્ઠ અધિકારીઓ સ્થળ પર છે અને મામલાની તપાસ કરવામાં આવી રહી છે. ફોરેન્સિક ટીમને બોલાવવામાં આવી છે.
પોલીસે વિસ્તારને કોર્ડન કરીને એલર્ટ જાહેર કરી દીધું છે. પોલીસ અધિકારીએ જણાવ્યું કે આ ઘટનામાં કોઈને ઈજા થઈ નથી. તેમણે જણાવ્યું કે ફોરેન્સિક ટીમ પણ ઘટનાસ્થળે પહોંચી ગઈ છે. તેમણે કહ્યું કે, આ ઘટના અંગે એફઆઈઆર નોંધવામાં આવી રહી છે.
આ પણ વાંચો:આતંકવાદીઓ દિલ્હી-મુંબઈ જેવા શહેરોમાં હિંસા ભડકાવવા માંગે છે, દરોડા બાદ NIAનો પર્દાફાશ
