રાજસ્થાનના મુખ્યમંત્રી ભજનલાલ શર્મા દાવા સાથે કહ્યું કે આ ચૂંટણીમાં ભાજપની જ જીત થશે. એક જાહેર સભામાં શર્માએ સતત ત્રીજી વખત રાજ્યની તમામ બેઠકો પર ભાજપની જીતનો દાવો કર્યો છે. ભાજપ નિશ્ચિત જીતનો દાવો કરી રહ્યું છે ત્યારે રાજસ્થાનમાં લોકસભાની ચૂંટણી લડવા માટે કોંગ્રેસના નેતાઓની અનિચ્છા સતત સામે આવી રહી છે. કોંગ્રેસ તમામ 25 સીટો પર ઉમેદવારો જાહેર કરવામાં વધુ સમય થઈ રહ્યો છે. ચૂંટણી લડવામાં કોંગ્રેસના ઉમેદવારો પીછેહઠ કરી રહ્યા છે. ઉમેદવારોની અનિચ્છાને લઈને કહેવાય છે કે 2014 અને 2019માં રાજ્યની તમામ 25 લોકસભા બેઠકો પર કોંગ્રેસની મળેલ કારમી હાર બાદ રાજ્યના વરિષ્ઠ નેતાઓ ચૂંટણી લડવાનું ટાળી રહ્યા છે.

દેશમાં 18મી લોકસભાની ચૂંટણીની જોરદાર તૈયારીઓ ચાલુ થઈ ગઈ છે. તમામ પક્ષો પોતાની જીત સુનિશ્ચિત કરવા પ્રચારમાં વ્યસ્ત છે. મધ્યપ્રદેશમાં પૂર્વ મુખ્યમંત્રી દિગ્વિજય સિંહ અને છત્તીસગઢમાં પૂર્વ મુખ્યમંત્રી ભૂપેશ બઘેલ જેવા દિગ્ગજ નેતાઓ કોંગ્રેસ પાર્ટી તરફથી ચૂંટણી લડી રહ્યા છે, પરંતુ રાજસ્થાનમાંથી કોઈ વરિષ્ઠ નેતા ચૂંટણી લડ્યા નથી.

હાઈકમાન્ડની ઈચ્છા છતાં નેતાઓની અનિચ્છા
કોંગ્રેસ હાઈકમાન્ડની ઈચ્છા છતાં પૂર્વ સીએમ અશોક ગેહલોત, કોંગ્રેસના રાષ્ટ્રીય મહાસચિવ સચિન પાયલોટ, જીતેન્દ્ર સિંહ અને પ્રદેશ અધ્યક્ષ ગોવિંદ સિંહ દોતાસરાએ ચૂંટણી લડવાનો ઈન્કાર કરી દીધો છે. ગેહલોતે જાલોર-સિરોહી બેઠક પરથી તેમના પુત્ર વૈભવ ગેહલોતને ટિકિટ આપી છે. છેલ્લી બે ચૂંટણીમાં મળેલી હાર બાદ કોંગ્રેસના નેતાઓમાં અજાણ્યાનો ભય જોવા મળી રહ્યો છે. આ જ કારણ છે કે ટિકિટ જાહેર થયા બાદ એક ઉમેદવારે ચૂંટણી લડવાનો ઇનકાર કર્યો હતો અને બે ઉમેદવારોએ જાહેરમાં કહ્યું હતું કે તેઓ ચૂંટણી લડવા માંગતા નથી, પરંતુ પક્ષ સંકટમાં છે અને ઉપરથી દબાણને કારણે તેઓ મેદાનમાં ઉતર્યા છે. પક્ષના નેતાઓએ ચૂંટણી લડવાની અનિચ્છા દર્શાવ્યા પછી, કોંગ્રેસ નેતૃત્વને નાગૌર બેઠક પર રાષ્ટ્રીય લોકતાંત્રિક પાર્ટી (RLP) અને સીકરમાં CPI(M) સાથે સમાધાન કરવાની ફરજ પડી હતી.

ચૂંટણી નહી લડવાના નેતાઓના બહાના

કોંગ્રેસના વરિષ્ઠ નેતા મહેન્દ્ર માલવિયા બાંસવાડા-ડુંગરપુર બેઠક પર ભાજપમાં જોડાયા ત્યારે હવે પાર્ટી નેતૃત્વ ભારત આદિવાસી પાર્ટી (BAP) સાથે સમાધાન કરવા માંગે છે. કોંગ્રેસે પૂર્વ ધારાસભ્ય સુદર્શન સિંહ રાવતને રાજસમંદ સીટ માટે પોતાના ઉમેદવાર જાહેર કર્યા હતા. ટિકિટ ફાઈનલ થયા બાદ રાવત એક અઠવાડિયા માટે અજાણ્યા સ્થળે ગયા હતા. કોંગ્રેસની પ્રદેશ નેતાગીરી તેમને શોધતી રહી, પરંતુ તેઓ મળી શક્યા નહીં. આખરે ત્રણ દિવસ પહેલા તેઓ સામે આવ્યા અને ચૂંટણી લડવાનો ઈન્કાર કરી દીધો.

પક્ષ મુશ્કેલીમાં હોવાથી લડું છું ચૂંટણી

મજબૂરીમાં, ભીલવાડામાં જાહેર કરાયેલા ઉમેદવાર દામોદર ગુર્જરને રાજસમંદ બેઠક પર ખસેડવામાં આવ્યા હતા. ભીલવાડામાં પૂર્વ વિધાનસભા સ્પીકર સીપી જોશીને ટિકિટ આપવામાં આવી છે. જોશી ચૂંટણી લડવા માંગતા ન હતા, પરંતુ હાઈકમાન્ડના દબાણ બાદ તેઓ મેદાનમાં ઉતર્યા છે. ઝુનઝુનુ સીટના કોંગ્રેસના ઉમેદવાર બ્રિજેન્દ્ર ઓલાએ એક મીટીંગમાં કહ્યું, “હું ચૂંટણી લડવા માંગતો ન હતો, પરંતુ મોટા નેતાઓએ કહ્યું કે પાર્ટી મુશ્કેલીમાં છે.” તેથી જ હું ચૂંટણી લડી રહ્યો છું.

અગાઉ, જયપુર શહેરમાં જાહેર કરાયેલા ઉમેદવાર સુનીલ શર્મા જયપુર ડાયલોગ્સ કાર્યક્રમમાં કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી અંગેની તેમની વિવાદાસ્પદ ટિપ્પણીને કારણે ચર્ચામાં આવ્યા હતા અને તેમની ટિકિટ બદલવામાં આવી હતી. સુનીલની જગ્યાએ પૂર્વ મંત્રી પ્રતાપ સિંહ ખાચરિયાવાસને ટિકિટ આપવામાં આવી છે. ખાચરીયાવાસે કહ્યું, “ભાજપ જયપુરમાં મજબૂત છે. હું ચૂંટણી લડવા માંગતો ન હતો, પરંતુ પાર્ટીના આદેશથી લડી રહ્યો છું. બાડમેર-જેસલમેર બેઠક પર, કોંગ્રેસ નેતૃત્વ વરિષ્ઠ નેતાઓ હેમારામ ચૌધરી અને હરીશ ચૌધરીને ટિકિટ આપવા માંગતું હતું, પરંતુ જ્યારે બંનેએ ચૂંટણી લડવાનો ઇનકાર કર્યો, ત્યારે આરએલપીના ઉમેદરામને ઉમેદવાર જાહેર કરવામાં આવ્યા.

આ પણ વાંચો:ડાયમંડ સિટી સુરતમાં વધુ એક હત્યાનો બનાવ, પ્રેમ પ્રકરણમાં વહેમ રાખી મિત્રએ જ કર્યું એવું કે…..

આ પણ વાંચો:પુણા વિસ્તારમાં એક ગોડાઉનમાં લાગી આગ, સર્જાયો અફરાતફરીનો માહોલ

આ પણ વાંચો:મંદિરમાં મારામારી જોઈ ભગવાન પણ રાજી નહીં થાય…..જુઓ ડાકોરનો વીડિયો

આ પણ વાંચો:મને કોઈ દિલ્હીનું કોઈ તેડું નથીઃ રૂપાલા