રાજકોટઃ રાજકોટમાં રૂપાલાએ તેમને ઉમેદવાર તરીકે બદલવામાં આવશે તે અટકળો પર પૂર્ણવિરામ લગાવતા જણાવ્યું હતું કે મને કોઈએ દિલ્હી બોલાવ્યોનથી. મેં ક્ષત્રિય સમાજની માફી માંગી લીધી છે. હાલમાં અમારા સમાધાનના પ્રયાસો ચાલુ છે અને પક્ષ તેના માટે પ્રયત્નશીલ છે. ઉલ્લેખનીય છે કે ક્ષત્રિય સમાજ અંગે વિવાદાસ્પદ ટિપ્પણી પછી રૂપાલાએ પહેલી વખત પત્રકાર પરિષદ બોલાવી હતી.
ઉલ્લેખનીય છે કે ક્ષત્રિય સમાજ અંગે પુરુષોત્તમ રુપાલાની વિવાદાસ્પદ ટિપ્પણીએ રાજકીય રંગ પકડ્યો છે અને ક્ષત્રિય સમાજમાં તેને લઈને આક્રોશ છે. તેને લઈને અનેક ક્ષત્રિય અગ્રણીઓએ પક્ષમાંથી રાજીનામા પણ આપ્યા છે. તેની સામે ભાજપે પણ આ ટિપ્પણી પછી રૂપાલા પાસે ક્ષત્રિય સમાજની માફી મંગાવી ડેમેજ કંટ્રોલની કવાયત આદરી છે.
ક્ષત્રિય સમાજનું પ્રતિનિધિત્વ કરતી વિવિધ સંસ્થાઓના આગેવાનોએ ગુરુવારે અમદાવાદમાં બેઠક કરી અને આગામી ચૂંટણીમાં કેન્દ્રીય મંત્રી પરષોત્તમ રૂપાલાને રાજકોટ સંસદીય બેઠક પરથી મેદાનમાં ઉતારવા સામે ભાજપને ચેતવણી આપતા કહ્યું કે જો તેમની બદલી નહીં કરવામાં આવે તો તેમને હારનો સામનો કરવો પડશે. તાજેતરમાં વાલ્મિકી સમુદાય દ્વારા આયોજિત એક કાર્યક્રમમાં રૂપાલાએ રજવાડાઓના પૂર્વ શાસકો વિરુદ્ધ ટિપ્પણી કરી હતી.
જોકે તેણે પાછળથી તેની ટિપ્પણી માટે માફી માંગી હતી, સમુદાયે તેનો વિરોધ ચાલુ રાખવાનો નિર્ણય કર્યો છે. “અમે તેમની માફીનો અસ્વીકાર કરીએ છીએ કારણ કે તેણે તે તેના હૃદયથી કહ્યું નથી. ચૂંટણી પછી તે આ જ ભાષા બોલી શકે છે. જો રૂપાલાને હટાવવામાં નહીં આવે, તો અમે ખાતરી કરીશું કે તેમને ચૂંટણીમાં હારનો સામનો કરવો પડશે. સમિતિના સભ્યો વીરભદ્રસિંહે જણાવ્યું હતું.
આ પણ વાંચો:રાજ્યમાં ગરમીમાં આંશિક ઘટાડો, અમદાવાદમાં 37 ડિગ્રી તાપમાન નોંધાયું
આ પણ વાંચો:25 વર્ષ પહેલા નિર્દોષ છુટેલા વ્યક્તિને હાઈકોર્ટે પત્નીની હત્યા કેસમાં આપી આજીવન કેદની સજા
આ પણ વાંચો:44 કરોડના ખર્ચે બનેલ ઓવરબ્રિજમાં ફરી ગાબડાં,દુર્ઘટના થશે તો જવાબદાર કોણ?
