અમિત શાહે ગૃહ મંત્રાલયનો કાર્યભાર સંભાળ્યાનાં લગભગ ત્રણ મહિના પછી, આ પ્રકારની પહેલી બેઠક યોજવામાં આવી હતી. આ બેઠકમાં અર્ધલશ્કરી દળો અને ગૃહ મંત્રાલયનાં ઉચ્ચ અધિકારીઓ પણ હાજર રહ્યા હતા.
ગૃહ મંત્રાલયના એક અધિકારીએ રવિવારે જણાવ્યું હતું કે ગૃહ પ્રધાન સોમવારે નક્સલવાદીઓ વિરુદ્ધ ચાલી રહેલા અભિયાનની પ્રગતિ અને માઓવાદી અસરગ્રસ્ત વિસ્તારોમાં કરવામાં આવતી કાર્યોની પહેલીવાર સમીક્ષા બેઠક યોજશે. દસ માઓવાદી પ્રભાવિત રાજ્યોમાં છત્તીસગ, ઝારખંડ, ઓડિશા, પશ્ચિમ બંગાળ, બિહાર, મહારાષ્ટ્ર, તેલંગણા, આંધ્ર પ્રદેશ, મધ્યપ્રદેશ અને ઉત્તર પ્રદેશનો સમાવેશ થાય છે.
ગૃહ મંત્રાલયનાં આંકડા મુજબ, નકસલી હિંસામાં 2009-13 દરમિયાન કુલ 8,782 કેસ થયા હતા, જ્યારે 2014-18 દરમિયાન 4,969 કેસ નોંધાયા હતા, જેમાં 43.4 ટકાનો ઘટાડો થયો હતો. મંત્રાલય અનુસાર, સલામતી કર્મચારીઓ સહિત 2009-13 દરમિયાન કુલ 3,326 લોકોનાં મૃત્યુ નિપજ્યા હતા, જ્યારે 2014-18 દરમિયાન ઘટી 1,321 થયાં છે.
2009 થી 2018 ની વચ્ચે કુલ 1,400 નક્સલવાદીઓ માર્યા ગયા હતા. આ વર્ષના પ્રથમ પાંચ મહિનામાં દેશભરમાં નક્સલવાદી હિંસાનાં 310 બનાવો બન્યા છે, જેમાં 88 લોકોનાં મોત નીપજ્યાં છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
