New Delhi News: ગઈકાલે સોમવારે કોંગ્રેસે (Congress Party) જમ્મુ-કાશ્મીર વિધાનસભા ચૂંટણી (Jammu Kashmir Assembly Election) માટે ત્રીજી યાદી જાહેર કરી હતી. જેમાં મલ્લિકાર્જુન ખડગેની અધ્યક્ષતામાં યોજાયેલી ‘કેન્દ્રીય ચૂંટણી સમિતિ’ની બેઠકમાં જમ્મુ અને કાશ્મીર વિધાનસભા ચૂંટણી માટે કોંગ્રેસના ઉમેદવારોની ત્રીજી યાદી બહાર પાડવામાં આવી હતી.

કોંગ્રેસે જમ્મુ-કાશ્મીર વિધાનસભા ચૂંટણી માટે કુલ 19 ઉમેદવારોના નામ જાહેર કર્યા છે. જમ્મુ અને કાશ્મીરમાં (જમ્મુ કાશ્મીર ચૂંટણી 2024), કોંગ્રેસ અને નેશનલ કોન્ફરન્સ તમામ 90 વિધાનસભા બેઠકો પર સંયુક્ત રીતે ચૂંટણી લડશે. NCP નેતા ફારૂક અબ્દુલ્લાએ કહ્યું હતું કે અમે અને કોંગ્રેસ સાથે છીએ. સીપીઆઈ-એમ પણ અમારી સાથે જોડાયેલા છે. કોંગ્રેસે લંગેટથી ઇર્શાદ એબી ગની અને ઉધમપુર પશ્ચિમથી સુમિત મંગોત્રાને મેદાનમાં ઉતાર્યા છે.

ત્રણ તબક્કામાં મતદાન થશે

તમને જણાવી દઈએ કે જમ્મુ-કાશ્મીર વિધાનસભાની ચૂંટણી 10 વર્ષ પછી યોજાવા જઈ રહી છે. કલમ 370 નાબૂદ થયા બાદ જમ્મુ-કાશ્મીરને કેન્દ્રશાસિત પ્રદેશ બનાવવામાં આવ્યું હતું. આ પછી પહેલીવાર ચૂંટણી યોજાવા જઈ રહી છે. ત્રણ તબક્કામાં ચૂંટણી યોજાશે. રાજ્યની 90 વિધાનસભા બેઠકો માટે 18 સપ્ટેમ્બર, 25 સપ્ટેમ્બર અને 1 ઓક્ટોબરે મતદારો મતદાન કરશે. 8 ઓક્ટોબરે ચૂંટણીના પરિણામો જાહેર થશે.

આ પણ વાંચો:જમ્મુ-કાશ્મીરના કોંગ્રેસના ઉમેદવાર સહિત 5 લોકોને કેદ, કોર્ટે આપ્યો આ નિર્ણય

આ પણ વાંચો:PDP એ જમ્મુ-કાશ્મીર વિધાનસભા ચૂંટણી માટે 6 પ્રભારીઓની યાદી જાહેર કરી, જાણો કઈ સીટ કોની જવાબદારી છે 

આ પણ વાંચો:જમ્મુ-કાશ્મીરની ચૂંટણી માટે ભાજપે ઉમેદવારોની પ્રથમ યાદી કરી જાહેર, 44 બેઠકો પર ઉતાર્યા ઉમેદવારો