શુક્રવારે અમેરિકામાં કોરોના વાયરસનાં રોગચાળાએ 1,258 લોકોનાં મોત નિપજ્યાં હતા. હાલનાં સમયમાં દેશમાં રોગચાળાને કારણે મૃત્યુઆંક સૌથી ઓછો છે. જ્હોન હોપકિન્સ યુનિવર્સિટી ટ્રેકર દ્વારા આ માહિતી આપવામાં આવી છે. આ નવા આંકડા પછી, યુ.એસ.માં કોવિડ-19 ને કારણે કુલ 52,185 લોકોનાં મોત નીપજ્યાં છે. વિશ્વમાં કોરોના વાયરસને કારણે અત્યાર સુધીમાં 1,97,246 લોકો મૃત્યુ પામ્યા છે અને 28,28,617 લોકો અસરગ્રસ્ત છે.
વિશ્વનાં મૃત્યુનો એક ક્વાર્ટર એકલા યુ.એસ. માં જોવા મળ્યો છે. આરોગ્ય નિષ્ણાંતોએ કહ્યું છે કે, દેશમાં ચેપનાં કેસો અને મૃત્યુની સંખ્યા આગામી કેટલાક દિવસોમાં ઘટી શકે છે. બીજી બાજુ શુક્રવારે અમેરિકાનાં જ્યોર્જિયામાં જીમ, હેર સલુન્સ અને ટેટૂ પાર્લર ફરીથી ખોલવાની મંજૂરી આપી દેવાઇ છે. આ સિવાય બોલિંગ એલીઝ અને અન્ય બિન-જરૂરી વ્યવસાયો પણ ખોલવામાં આવ્યા છે. યુએસ પ્રમુખ ડોનાલ્ડ ટ્રમ્પે ચેતવણી આપી છે કે રાજ્યપાલ બ્રાયન કેમ્પ ઉતાવળમાં છે અને રાજ્યને તેના પરિણામો ભોગવવા પડી શકે છે. ટ્રમ્પે ટ્વિટ કરીને લખ્યું છે કે, “સ્પા, બ્યુટી સલૂન અને ટેટૂ પાર્લર ખોલવામાં આવ્યા છે, તેને થોડુ ધીમે આગળ વધારવું જોઈએ.”
યુએસનાં વિદેશ સચિવ માઇક પોંપીયોએ ફરી એકવાર કોરોના વાયરસ રોગચાળા માટે ચીનને જવાબદાર ઠેરવ્યું છે. પોંપીયોએ કહ્યું કે, અમેરિકન અર્થવ્યવસ્થા તેમજ સમગ્ર વિશ્વનાં અર્થતંત્રની સામે ‘વિશાળ પડકાર‘ અને સંકટ પેદા કરવા માટે ચીને એક મોટી કિંમત ચૂકવવી પડશે. પોંપીયોએ થોડા દિવસો પહેલા પોતાના નિવેદનનું પુનરાવર્તન કરતાં કહ્યું છે કે, ચીને કોરોના વાયરસ વિશે કોઈ માહિતી શેર કરી નથી અને હવે શાસક સામ્યવાદી પક્ષને તેની કિંમત ચૂકવવી પડશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
