ચીનમાં, ખતરનાક કોરોનાવાયરસને કારણે મૃત્યુઆંક 170 પર પહોંચી ગયો છે. ગુરુવારે, ચીની આરોગ્ય અધિકારીઓએ જણાવ્યું હતું કે અત્યાર સુધીમાં 7700 થી વધુ લોકો આ રોગનાં શિકાર બન્યા છે. ચીન હજી સુધી વાયરસ કેવી રીતે ફેલાયો છે તે જાણવામાં અસમર્થ રહ્યુ છે. દરમિયાન, વૈજ્ઞનિકોનાં મતે, આ વાયરસનાં ફેલાવાનું કારણ ચામાચીડિયું છે. થોડા દિવસો પહેલા એવા સમાચાર આવ્યા હતા કે વાયરસનું અસલી કારણ વુહાનનાં બજારમાં વેચવામાં આવતા સાપ હોઈ શકે છે. પરંતુ હવે નિષ્ણાંતોએ કહ્યું છે કે ચામાચીડિયું આ વાયરસનું કારણ હોઈ શકે છે.
સીએનએન, ઇકોહેલ્થ એલાયન્સનાં પ્રમુખ ડોક્ટર પીટર દસજૈક વતી લખ્યુ છે, જ્યારે તમે આ વાયરસનાં જેનેટિક કડીઓને જુઓ છો ત્યારે તમને ખબર પડે છે કે વાયરસને ચામાચીડિયાથી ખાસ સંબંધ છે. ચાઇનીઝ સેન્ટર ફોર ડિસીઝ કંટ્રોલ એન્ડ પ્રિવેન્શનનાં પ્રોફેસર ગુઇજેન વુ એ જણાવ્યું હતું કે, લેન્સેટ મેડિકલ જનરલ દ્વારા બુધવારે એક સ્ટડી બહાર પાડવામાં આવી છે. અત્યાર સુધી, આ સ્ટડીનાં તમામ આંકડા વાયરસનાં અનુકુળ હોવાનું સાબિત થયું છે અને શરૂઆતમાં ચામાચીડિયામાંથી વાયરસ મળી આવ્યો હતો.
આ પહેલી વાર નથી કે જ્યારે બેટ દ્વારા વાયરસ ફેલાયો હોય, અને આ પહેલાં મારબર્ગ, નિપહા અને હેંડ્રા વાયરસનું કારણ બેટ જ બન્યું હતું. આ વાયરસ છેલ્લા કેટલાક દિવસોમાં યૂગાન્ડા, મલેશિયા, બાંગ્લાદેશ અને ઓસ્ટ્રેલિયામાં ફેલાયો હતો. બેટ ને ઇબોલા, હડકવા, સાર્સ અને મેર્સ વાયરસનું વાસ્તવિક કારણ માનવામાં આવતું હતું. વુહાનમાં ફેલાયેલા કોરોના વાયરસનાં લક્ષણો સાર્સ અને મેર્સ જેવા જ છે. 2003 માં, સાર્સનાં ફેલાવા પાછળ એક પ્રકારની બિલાડીને કારણ માનવામાં આવતું હતું. વળી, માનવામાં આવતું હતું કે ઉંટ મેર્સ પાછળનું વાસ્તવિક કારણ છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
