Dahod News : દાહોદમાં પ્રભારી મંત્રીની મિટીંગમાં કામગીરી મુદ્દે ગરમાગરમી જોવા મળી હતી. જેમાં વન મંત્રી અર્જુન મોઢવાડિયા સમક્ષ કામગીરી અંગે સવાલો કરવામાં આવ્યા હતા. ધારાસભ્ય દ્વારા અધિકારીની કામગીરી સામે સવાલો ઉઠાવવામાં આવ્યા હતા.
જેમાં DDOનો મનસ્વી વહીવટ હોવાનો ધારાસભ્ય મહેશ ભુરીયાના આક્ષેપ છે. મનરેગા અંતર્ગત કુવાના કામોમાં DDOનો મનસ્વી વહીવટ હોવાનો આક્ષેપ કરવામાં આવ્યો છે. જેમાં MLA, પદાધિકારીઓને વિશ્વાસમાં લીધા વિના કામ આપી દીધા હોવાનો આક્ષેપ કરવામાં આવ્યો હતો.
તે સિવાય સંકલન અને દિશાની બેઠકમાં DDO ગેરહાજર રહેતા હોવાના આક્ષેપો પણ કરાયા હતા. ઉપરાંત જિલ્લામાં મનરેગા સહિતના કામો ન થતા હોવાના આક્ષેપો કરાયા હતા. આમ MLA મહેશ ભુરીયાએ કામગીરી ઉપર આક્ષેપો લગાવતા ખળભળાટ મચ્યો છે.
