Dahod News: દાહોદ જિલ્લા પોલીસ વિભાગમાં (Police Department) મોટો ફેરફાર જોવા મળ્યો છે. જિલ્લા પોલીસ અધિક્ષક (SP) રવિરાજસિંહ જાડેજાએ અચાનક અનેક પોલીસ ઇન્સ્પેક્ટર (PI) અને પોલીસ સબ ઇન્સ્પેક્ટર (PSI)ની બદલીઓના આદેશો જારી કર્યા છે. આ બદલીઓ વહીવટી કારણોસર અને જાહેર હિતમાં કરવામાં આવી હોવાનું માનવામાં આવે છે, જેના કારણે પોલીસ બેડામાં ખળભળાટ મચી ગયો છે.
SP રવિરાજસિંહ જાડેજા ઓગસ્ટ 2025માં દાહોદ જિલ્લાના પોલીસ અધિક્ષક તરીકે નિયુક્ત થયા હતા. તેમના નેતૃત્વ હેઠળ જિલ્લામાં કાયદો-વ્યવસ્થા જાળવવા માટે સક્રિય કાર્યવાહીઓ ચાલી રહી છે, જેમ કે તાજેતરમાં ગરબાડા પોલીસે 18 વર્ષથી ફરાર આરોપીને ઝડપી પાડ્યો હતો.આ મોટા પાયાની બદલીઓ ગુજરાત પોલીસમાં સમયાંતરે થતી રહેતી પ્રક્રિયાનો ભાગ છે, જેનાથી વિભાગમાં નવી ઊર્જા આવે અને કાર્યક્ષમતા વધે તેવી અપેક્ષા રાખવામાં આવે છે.
આ બદલીઓમાં મુખ્યત્વે પોલીસ ઇન્સ્પેક્ટરો (Police Inspectors) અને સબ ઇન્સ્પેક્ટરોને (Sub Inspectors) વિવિધ પોલીસ સ્ટેશનો અને વિભાગોમાં ખસેડવામાં આવ્યા છે.
SP રવિરાજસિંહ જાડેજાએ અચાનક કર્યા પોલીસ (Police) બદલીના હૂકમો
PI અને PSI |
પોલીસ સ્ટેશનો |
| PSI એસ.ડી. સરવૈયા | સાગટાળા પોલીસ સ્ટેશનમાં બદલી. |
| PSI ડી.એસ. લાડ | દાહોદ એ ડિવિઝનમાં બદલી. |
| PI વી.પી. કનારા | લોકલ ઇન્ટેલિજન્સ બ્યુરો (LIB) ઓફિસમાં બદલી |
| PI ડી.એમ. ઢોલ | દાહોદ રૂરલમાં નિમણૂક |
| PI સી.આર. દેસાઈ | સાગટાળા પોલીસ સ્ટેશનમાં બદલી |
| PI કે.આર. રાવત | મહિલા પોલીસ સ્ટેશનમાં બદલી |
| PI કે.કે. રાજપુત | દેવગઢ બારિયા પોલીસ સ્ટેશનમાં બદલી |
| PI બી.કે. ચાવડા | લીમખેડા પોલીસ સ્ટેશનમાં ખસેડાયા |
| PI કે.સી. વાઘેલા | પેરોલ-ફર્લો વિભાગમાં બદલી |
| PI જી.બી. પરમાર | સંજેલી પોલીસ સ્ટેશનમાં બદલી |
દાહોદ પોલીસમાં (Police) આ બદલીઓ તાત્કાલિક અસરથી અમલમાં મૂકાઈ છે,અને અધિકારીઓને નવી જગ્યાએ હાજર થવાના આદેશ આપવામાં આવ્યા છે.
આ પણ વાંચો:મહેસાણાના 8 પોલીસકર્મીઓની અચાનક આંતરિક બદલી કરાઈ
આ પણ વાંચો:રાજ્ય સરકારે 16 IAS અધિકારીની બદલીનો આદેશ, જુઓ કોને ક્યા અપાયું પોસ્ટિંગ
