Dangerous Volcano Tourism:  જ્યારે પણ જ્વાળામુખી ફાટે છે ત્યારે ચારેબાજુ લાવાના નદીઓ વહેવા લાગે છે, પરંતુ શું તમે જાણો છો કે દુનિયામાં એવા ઘણા એક્ટિવ જ્વાળામુખી છે જ્યાં ટ્રેકિંગ કરવાની મંજૂરી આપવામાં આવે છે? 1000 ડિગ્રી ગરમ લાવા અને વિસ્ફોટો વચ્ચે આ પહાડો પર ચઢવું એ કોઈ પડકારથી ઓછું નથી. દુનિયાના ફેમસ વોલ્કેનો ટ્રેકિંગ સ્પોટ્સ નીચે પ્રમાણે છે

માઉન્ટ કિલીમંજારો, તાંઝાનિયા:

આ આફ્રિકાનો સૌથી ઊંચો પહાડ છે જેની ઊંચાઈ 5,895 મીટર (19,341 ફૂટ) છે. તે શિરા, માવેન્ઝી અને કીબો નામના ત્રણ જ્વાળામુખીથી બનેલો છે. આ ટ્રેક પૂરો કરવામાં 9 દિવસ લાગે છે. જાન્યુઆરી થી માર્ચ અને જૂન થી ઓક્ટોબર અહીં જવાનો શ્રેષ્ઠ સમય છે.

માઉન્ટ એટના, ઇટાલી: (Volcano) 

યુરોપનો આ સૌથી સક્રિય જ્વાળામુખી (Volcano) છે. અહીં 1500 ઈ.સ. પૂર્વેથી સતત વિસ્ફોટ થઈ રહ્યા છે. ગાઈડ વગર અહીં ચઢવું અશક્ય છે. મે થી સપ્ટેમ્બર દરમિયાન તમે અહીં જ્વાળામુખીની ગતિવિધિઓ નજીકથી જોઈ શકો છો.

માઉન્ટ વેસુવિયસ, ઇટાલી:

આ એ જ જ્વાળામુખી (Volcano) છે જેણે ઈ.સ. 79 માં આખા પોમ્પેઈ શહેરને તબાહ કરી દીધું હતું. હવે અહીં ટ્રેકિંગની મંજૂરી છે. તેના ક્રેટર (ગઢ) સુધી પહોંચવામાં માત્ર 30 મિનિટ લાગે છે.

માઉન્ટ બતૂર, ઇન્ડોનેશિયા:

બાલીમાં આવેલો આ જ્વાળામુખી (Volcano) સનરાઈઝ (સૂર્યોદય) જોવા માટે ફેમસ છે. આખું ટ્રેકિંગ પૂરું કરવામાં આશરે 2 કલાક લાગે છે. એપ્રિલ થી ઓક્ટોબર અહીં જવાનો ઉત્તમ સમય છે.

માઉન્ટ મેરાપી, ઇન્ડોનેશિયા:

આ ઇન્ડોનેશિયાનો સૌથી ખતરનાક અને સક્રિય જ્વાળામુખી (Volcano) માનવામાં આવે છે. અહીં ચઢવું બાળકોના ખેલ નથી, કારણ કે દરેક ડગલે જાનનું જોખમ રહેલું છે. મે થી ઓક્ટોબર દરમિયાન સાહસિકો અહીં રાત્રે ટ્રેકિંગ શરૂ કરે છે જેથી સવારે ટોચ પરથી સૂર્યોદય જોઈ શકાય.

આ પણ વાંચો:  પેરિસ-માલદીવને ભૂલી જશો! હનીમૂન માટે આ 4 દેશો છે અત્યારે કપલ્સની પહેલી પસંદ

આ પણ વાંચો: ભારતના આ 5 નેશનલ પાર્કમાં માણો બોટ સફારી, મગરના જન્મથી લઈને તરતા વાઘ સુધીનો રોમાંચ

આ પણ વાંચો:  જંગલના રાજા સિંહને નજીકથી જોવા છે? આ 5 નેશનલ પાર્ક છે વન્યજીવ પ્રેમીઓની પહેલી પસંદ