પીએમ મોદી બિહારના દરભંગા જિલ્લાની લલિત નારાયણ મિથિલા યુનિવર્સિટીમાંથી બીએની પરીક્ષા આપવાના છે, જેના માટે એડમિટ કાર્ડ પણ જારી કરવામાં આવ્યા છે. બિહારના દરભંગા જિલ્લાની લલિત નારાયણ મિથિલા યુનિવર્સિટીમાં એક વિચિત્ર કિસ્સો સામે આવ્યો છે. યુનિવર્સિટીએ પરીક્ષામાં ઘણા વિદ્યાર્થીઓને પૂર્ણાંક કરતા વધુ ગુણ આપ્યા છે. આ સાથે યુનિવર્સિટી દ્વારા બીએની પરીક્ષા માટે જારી કરાયેલ એડમિટ કાર્ડમાં પીએમ મોદી અને બિહારના રાજ્યપાલ ફાગુ ચૌહાણનો ફોટો પણ લગાવવામાં આવ્યો છે.
સોશિયલ મીડિયામાં ફોટો વાયરલ
આ ફોટો સોશિયલ મીડિયામાં જોરદાર વાયરલ થઈ રહ્યો છે અને લોકો આ ફોટો પર અલગ-અલગ રીતે કોમેન્ટ કરી રહ્યા છે. યુનિવર્સિટી દ્વારા ગેરરીતિનો આ પહેલો કિસ્સો નથી. આ પહેલા પણ ઘણા કિસ્સા સામે આવ્યા છે.
વિદ્યાર્થીએ 151 નંબર મેળવ્યા છે
યુનિવર્સિટીમાં ગેરરીતિનો વધુ એક કિસ્સો સામે આવ્યો છે. અહીં યુનિવર્સિટી દ્વારા એક વિદ્યાર્થીને પૂર્ણાંક કરતા વધુ નંબર આપવામાં આવ્યા છે. 100 માર્કસના પેપરમાં વિદ્યાર્થીને 151 માર્કસ આપવામાં આવ્યા છે. વિદ્યાર્થીએ પોતાનું સ્કોર કાર્ડ જાહેર કરતાં વિદ્યાર્થી ચોંકી ગયો હતો.
પીએમ મોદી બીએની પરીક્ષા આપશે
આ સાથે, યુનિવર્સિટી દ્વારા આર્ટ ફેકલ્ટીના ત્રીજા વર્ષના પ્રવેશપત્રમાં પીએમ મોદીનો ફોટો મૂકવામાં આવ્યો છે. મળતી માહિતી મુજબ, શનિવારે એક વિદ્યાર્થીનીએ યુનિવર્સિટીની વેબસાઈટ પરથી પોતાનું એડમિટ કાર્ડ ડાઉનલોડ કર્યું, તે વડાપ્રધાન નરેન્દ્ર મોદીના ફોટો અને સાઈન સાથે જારી કરવામાં આવ્યું હતું. વિદ્યાર્થિનીનું નામ ગુડિયા કુમારી લખવામાં આવ્યું છે. આ સાથે રાજ્યપાલના ફોટા સાથેનું એડમિટ કાર્ડ પણ જારી કરવામાં આવ્યું છે.
યુનિવર્સિટી પ્રશાસને તેમની ભૂલ માટે વિદ્યાર્થીઓને જવાબદાર ઠેરવ્યા છે. યુનિવર્સિટીના રજિસ્ટ્રાર ડૉ. મુશ્તાક અહેમદે આ બાબતને સમર્થન આપતાં જણાવ્યું હતું કે આ બાબત ધ્યાન પર આવી છે. તેમણે કહ્યું કે વિદ્યાર્થીઓએ પોતાના દસ્તાવેજો અપલોડ કરવાના રહેશે જેના માટે તેમને આઈડી આપવામાં આવે છે. વિદ્યાર્થીઓએ તેમના વતી રાજ્યપાલ અને વડાપ્રધાનનો ફોટો અપલોડ કર્યો છે. જો કે આ મામલે તપાસના આદેશ જારી કરવામાં આવ્યા છે.
ભાદરવી મહામેળો/ અંબાજી ભાદરવી મેળો સુખરૂપ સંપન્ન થતા જિલ્લા કલેકટર આનંદ પટેલે મા અંબાના શિખરે ધજા ચડાવી
