બોલિવૂડ એક્ટ્રેસ દીપિકા પાદુકોણ ફરી એકવાર વર્ષ 2020ની સૌથી લોકપ્રિય મહિલા સ્ટાર્સની યાદીમાં ટોપ પર આવી ગઈ છે. જોકે આ પહેલીવાર નથી, આ પહેલા પણ દીપિકા પાદુકોણ આ યાદીમાં ટોપ પર આવી છે.
દીપિકા પાદુકોણએ તેની પ્રત્યેક ફિલ્મોથી કલાકાર તરીકેની ક્ષમતા સાબિત કરી છે અને તેના કારણે તેને બોલિવૂડની ‘ધ રાઇઝિંગ ક્વીન’ કહેવામાં આવે છે.
ગ્લોબલ સ્ટાર 13 વર્ષમાં બની
છેલ્લા 13 વર્ષમાં દીપિકા પાદુકોણે જે રીતે દર્શકો સાથે સંબંધ બનાવ્યો તે ખૂબ જ પ્રશંસનીય છે. સારા સ્ટાર તરીકે ઓળખ બનાવવા ઉપરાંત તે પોતાના દેશમાં પણ ખૂબ પ્રખ્યાત છે.
આ ફિલ્મોમાં જોવા મળશે
અભિનયની વાત કરીએ તો, દીપિકા આગામી સમયમાં ઘણી મોટી ફિલ્મોમાં જોવા મળી રહી છે, જેમાંથી એક અભિનેતા પ્રભાસ સાથે નાગ અશ્વિનની આગામી ફિલ્મ છે. આ સિવાય તે ફિલ્મ ‘ધ ઇંટર્ન’માં પણ સામેલ છે. આ સાથે જ હાલમાં દીપિકાએ રીતિક રોશન સાથે તેની આગામી એક્શન-ફિલ્મ ‘ફાઇટર’ ની જાહેરાત કરી છે.