દેશમાં હવામાન આજકાલ સતત બદલાઈ રહ્યું છે. દેશના મોટાભાગના ભાગોમાં વાતાવરણમાં પલટો આવી રહ્યો છે. ઉનાળાની શરૂઆત સાથે જ વરસાદ અને હિમવર્ષાની અવધિ પણ અવિરત ચાલુ રહે છે. હવામાનમાં આ અચાનક ફેરફાર પશ્ચિમી ખલેલને કારણે છે. દરમિયાન ભારતીય હવામાન વિભાગ (IMD) એ આજે દેશના ઘણા રાજ્યોમાં વરસાદની આગાહી કરી છે. આ સાથે પર્વતવાળા વિસ્તારોમાં બરફવર્ષાની સંભાવના વ્યક્ત કરી છે.
ભારતીય હવામાન વિભાગ (IMD) દ્વારા તાજેતરની આગાહી મુજબ, આગામી કલાકોમાં દિલ્હી, હરિયાણા, રાજસ્થાન અને ઉત્તર પ્રદેશના ઘણા ભાગોમાં વરસાદની સંભાવના છે. આ શહેરોમાં કૈથલ, કરનાલ, નરવાના, રાજૌંદ, આસૌદ, જીંદ, પાનીપત, બડોત, બાગપત, દૌરાલા, મેરઠ, દિલ્હી, ગાઝિયાબાદ, ઝાજ્જર, મોદીનગર, ભરતપુર, ગોહાના, રોહતક, ભિવાની, સોનીપત, મહમ, કુરુક્ષેત્ર, મથુરા, આગ્રાનો સમાવેશ થાય છે. , એટા, ફરીદાબાદ, અન્ય શહેરો પણ સામેલ છે.
વામાન વિભાગની નવીનતમ માહિતી અનુસાર, 23 માર્ચ મંગળવારે પંજાબ, દિલ્હી, ચંદીગઢ, રાજસ્થાન, પશ્ચિમ ઉત્તર પ્રદેશ અને હરિયાણાના મોટાભાગના ભાગોમાં ભારે વરસાદ થવાની સંભાવના છે. કેટલાક સ્થળોએ તો કરા પણ પડી શકે છે.
આ સિવાય હવામાન વિભાગે અહેવાલ આપ્યો છે કે 23 માર્ચે જમ્મુ-કાશ્મીર, લદ્દાખ, ગિલગિત, બાલ્ટિસ્તાન, મુઝફ્ફરાબાદ, હિમાચલ પ્રદેશ અને ઉત્તરાખંડના મોટાભાગના વિસ્તારોમાં ભારે હિમવર્ષા થઈ શકે છે.
દિલ્હી-એનસીઆરમાં હળવો પડી શકે છે વરસાદ..
હવામાન વિભાગના જણાવ્યા અનુસાર, દિલ્હી-એનસીઆરમાં હળવો વરસાદ પડી શકે છે, ત્યારબાદ તાપમાનમાં બે થી ત્રણ ડિગ્રી સુધીનો ઘટાડો થઈ શકે છે. ઉત્તર ભારતના પર્વતીય રાજ્યોમાં જુદા જુદા સ્થળોએ 22 થી 23 માર્ચ સુધી ભારે વરસાદ અને બરફવર્ષાની સંભાવના છે.
અમદાવાદમાં હવાની ગુણવત્તા ખૂબ જ ખરાબ
અમદાવાદમાં હવાની ગુણવત્તા ખૂબ જ ખરાબ છે રાષ્ટ્રીય પાટનગરમાં હવાની ગુણવત્તા એટલે કે એર કવોલિટી ઈન્ડેક્સ(AQI) ‘નબળી’ વર્ગમાં નોંધાયેલી છે. જ્યારે ગુજરાતના અમદાવાદમાં હવાની ગુણવત્તા ખૂબ નબળી કેટેગરીમાં પહોંચી ગઈ છે. આપને જણાવી દઈએ કે, 201 અને 300 વચ્ચેની AQI ખરાબ માનવામાં આવે છે, 301 થી 400 ખૂબ નબળી અને 401 થી 500ને ગંભીર કેટેગરી માનવામાં આવે છે, જ્યારે 500 થી વધુની AQI સૌથી ગંભીર કેટેગરીમાં આવે છે.
રાજસ્થાનના અનેક જિલ્લાઓમાં કરા-વાવાઝોડાની ચેતવણી
હવામાન વિભાગના જણાવ્યા અનુસાર 23 માર્ચે અજમેર, ભરતપુર, સીકર, ઝુંઝુનુ, અલવર, દૌસા, ભીલવાડા જયપુર, સવાઈ માધોપુર, ટોંક જિલ્લામાં અચાનક તીવ્ર પવન, કરા અને વાવાઝોડાની સંભાવના છે. પશ્ચિમ રાજસ્થાનના ગંગાનગર, હનુમાનગઢ, બિકાનેર, ચુરુ, નાગોર, જોધપુરમાં કરા સાથે જોરદાર પવનની શક્યતા છે.
