Sports news: મહેન્દ્ર સિંહ ધોનીએ RCB vs CSK મેચમાં જ્યારે સિઝનની સૌથી લાંબી સિક્સ ફટકારી છે. 42 વર્ષીય ‘બાહુબલી’ માહીએ ઈનિંગની છેલ્લી ઓવરમાં યશ દયાલની બોલ પર 110 મીટર લાંબી સિક્સ ફટકારી હતી. ધોનીની આ અદમ્ય શક્તિને જોયા પછી મેદાન પર હાજર દરેક લોકો આશ્ચર્યચકિત થઈ ગયા. જો કે, તે ટીમને જીત તરફ લઈ જઈ શક્યો ન હતો અને 27 રને આ કારમી હાર સાથે, IPL 2024 માં ચેન્નાઈ સુપર કિંગ્સનો પ્રવાસ અહીં સમાપ્ત થયો. આ જીત સાથે RCBએ પ્લેઓફની ટિકિટ બુક કરી લીધી છે.
ધોની પહેલા IPL 2024માં સૌથી લાંબી સિક્સ ફટકારવાનો રેકોર્ડ રોયલ ચેલેન્જર્સ બેંગ્લોરના વિકેટ કીપર બેટ્સમેન દિનેશ કાર્તિકના નામે હતો. કાર્તિકે આ જ મેદાન પર સનરાઇઝર્સ હૈદરાબાદ સામે 108 મીટર લાંબી સિક્સ ફટકારી હતી. પરંતુ હવે માહીએ તેનો આ રેકોર્ડ તોડી નાખ્યો છે.
ધોનીએ ઈનિંગની 20મી ઓવર લાવનાર યશ દયાલના પહેલા જ ફુલ ટોસ બોલ પર ફાઈન લેગ પર આ સ્કાયસ્ક્રેપર સિક્સર ફટકારી હતી. આ છગ્ગો એટલો ઊંચો હતો કે બોલ મેદાનની બહાર જતો રહ્યો હતો. માહીએ આ સિક્સ વડે CSKની પ્લેઓફની આશા વધારી દીધી હતી, પરંતુ તે પછીના જ બોલ પર આઉટ થઈ ગયો અને ચેન્નાઈને મેચમાં હારનો સામનો કરવો પડ્યો.
View this post on Instagram
RCB vs CSK મેચ કેવી રહી?
ટોસ હારીને પ્રથમ બેટિંગ કરવા આવેલી રોયલ ચેલેન્જર્સ બેંગ્લોરે નિર્ધારિત 20 ઓવરમાં 5 વિકેટ ગુમાવીને 218 રન બનાવ્યા હતા. વિરાટ કોહલી અને ફાફ ડુ પ્લેસિસે ઇનિંગની શરૂઆત કરી અને પ્રથમ વિકેટ માટે 78 રન જોડ્યા. કોહલીએ 47 રનની શાનદાર ઇનિંગ રમી હતી જ્યારે ડુપ્લેસિસે 54 રનની શાનદાર ઇનિંગ રમી હતી. આ પછી મિડલ ઓર્ડરમાં રજત પાટીદારે 41 રન અને કેમરન ગ્રીને 38 રનનું યોગદાન આપ્યું હતું. દિનેશ કાર્તિકે 6 બોલમાં 14 રન અને ગ્લેન મેક્સવેલે 5 બોલમાં 16 રન ફટકારીને ઇનિંગને ફિનિશિંગ ટચ આપ્યો હતો.
આ સ્કોરનો પીછો કરવા ઉતરેલી ચેન્નાઈ સુપર કિંગ્સની શરૂઆત સારી રહી ન હતી. કેપ્ટન રુતુરાજ ગાયકવાડ ઇનિંગ્સના પહેલા જ બોલ પર ગોલ્ડન ડક માટે ગ્લેન મેક્સવેલનો શિકાર બન્યો હતો. આ પછી રચિન રવિન્દ્ર અને અજિંક્ય રહાણેએ અડધી સદીની ભાગીદારી કરીને ટીમને નિશ્ચિતપણે સંભાળી હતી, પરંતુ આ ભાગીદારી તૂટતાની સાથે જ CSKની આશાઓ પણ તૂટવા લાગી. અંતમાં રવિન્દ્ર જાડેજા અને એમએસ ધોનીએ અડધી સદીની ભાગીદારી કરીને પ્લેઓફમાં પહોંચવાની આશા જીવંત રાખી હતી, પરંતુ તેઓ ટીમને 200ના સ્કોર સુધી લઈ જઈ શક્યા ન હતા. જાડેજા 22 બોલમાં 42 રન બનાવ્યા બાદ આખરે અણનમ રહ્યો હતો. CSK 20 ઓવરમાં માત્ર 191 રન બનાવી શકી હતી.
આ પણ વાંચો: T20 વર્લ્ડ કપ પહેલા BCCIએ હાર્દિક પંડ્યા પર લગાવ્યો પ્રતિબંધ, આ ગુનાની મળી સજા
આ પણ વાંચો: વિરાટ કોહલીએ IPLના આ નિયમને ખરાબ ગણાવ્યા, આ મોટી ખામી તરફ દોર્યું ધ્યાન
આ પણ વાંચો: મેદાનમાં રડવા લાગ્યો વિરાટ કોહલી, અનુષ્કા શર્માની પણ આંખોમાં આવ્યા આંસુ: શું છે કારણ