Surendranagar News: ધ્રાંગધ્રા નગરપાલિકાના વોર્ડ નંબર-9માં બિસ્માર રસ્તાને લઈને સ્થાનિકોમાં રોષ જોવા મળી રહ્યો છે. પાલિકા પ્રમુખના મતવિસ્તારમાં જ રસ્તાની સ્થિતિ કથળી (Dhrangadhra Road) હોવાના આક્ષેપો વચ્ચે ક્લબ રોડ સહિતના વિસ્તારોમાં મોટા ખાડા પડી જતાં વાહનચાલકો અને રાહદારીઓને મુશ્કેલીનો સામનો કરવો પડી રહ્યો છે.
વોર્ડ-9ના વિવિધ વિસ્તારોમાં રસ્તા પર ઠેર-ઠેર મોટા ખાડા પડી ગયા છે. જેના કારણે વાહનચાલકોને અવરજવર કરવામાં મુશ્કેલી પડી રહી છે. ખાસ કરીને દ્વિચક્રી વાહનચાલકો અને રાહદારીઓ માટે રસ્તાની હાલત (Bad Road) મુશ્કેલીરૂપ બની છે.
Dhrangadhra Road: ગટરનું કામ અધૂરું હોવાનો આક્ષેપ
સ્થાનિકો દ્વારા વિસ્તારમાં અર્ધનિર્માણાધીન ગટરનું કામ અધૂરું હોવાનો પણ આક્ષેપ કરવામાં આવ્યો છે. ગટર અને રસ્તાની કામગીરી પૂર્ણ ન થતાં સ્થાનિકોને પ્રાથમિક સુવિધાઓ માટે મુશ્કેલી વેઠવી પડી રહી હોવાનું રહેવાસીઓનું કહેવું છે.
વિકાસના દાવાઓ સામે સવાલો
વોર્ડ-9માં રસ્તાની (Ward 9 Road) કથળેલી સ્થિતિને લઈને સ્થાનિકોએ પાલિકા તંત્રની કામગીરી સામે સવાલો ઉઠાવ્યા છે. એક તરફ વિકાસના દાવા કરવામાં આવે છે, ત્યારે બીજી તરફ પાલિકા પ્રમુખના મતવિસ્તારમાં જ રસ્તાની સ્થિતિ ખરાબ હોવાને લઈને લોકોમાં નારાજગી જોવા મળી રહી છે. સ્થાનિકોએ નગરપાલિકા તંત્ર સમક્ષ રસ્તાના ખાડા તાત્કાલિક પૂરવા અને રોડનું સમારકામ કરાવવાની માંગ કરી છે. સાથે જ અધૂરું ગટરનું કામ પૂર્ણ કરી વિસ્તારની પ્રાથમિક સુવિધાઓ સુધારવા પણ રજૂઆત કરવામાં આવી છે.
આ પણ વાંચો: ભાવનગરમાં અશાંત ધારા મુદ્દે વિવાદ: દેવબાગ-વિજયરાજનગરના રહીશોની કલેક્ટર સમક્ષ રજૂઆત
આ પણ વાંચો: નેપાળમાં ભૂસ્ખલન-પૂરથી તબાહી, 43 ગુજરાતી પ્રવાસીઓનો બચાવ; આણંદનું NRI દંપતી ગુમ
આ પણ વાંચો: નિકોલમાં તસ્કરોનો આતંક! બંધ મકાનની બાલ્કનીમાંથી ઘૂસ્યા, રોકડ-દાગીના સહિત લાખોની ચોરી
