Banaskantha News: ઠાકોર સમાજમાં નવા બંધારણનો અને DJનો વિવાદ શાંત પડતો નથી. બનાસકાંઠાના એક ભુવાએ સમાજના નવા બંધારણના પુરસ્કર્તા અને સાંસદ ગેનીબેન ઠાકોરને પડકાર ફેંક્યો છે. ગેનીબેને ઠાકોર (Geniben Thakor) ને ખુલ્લી ચેલેન્જ આપતો વિડીયો સોશિયલ મીડિયા પર વાઇરલ થતા ઠાકોર સમાજ (Thakor Community) માં પણ બે તડા પડી ગયા છે. આ વિડીયોમાં ભુવો પોતે જાણે જોગણી બોલે છે કહીને દાવો કરે છે કે DJ બંધ રાખુ તો હું માતા ન કહેવાઉ. વિડીયો ઉતારવો હોય તો ઉતારી દો.
DJ ગેનીબેન સામે ભુવાના સ્વરૂપમાં નવો પડકાર
આ વિડીયોમાં ભુવો સમાજ અને જમણવારને લઈને પણ આકરી ટીકા કરે છે. તે દાવો કરે છે કોઈપણ સમાજ હોય તો તે સમાજ મુજબ રહેવું પડે. આમ એકબાજુએ ઠાકોરનો જમણવાર તો બીજી બાજુએ ગેનીબેનનો જમણવાર એમ કહે છે. હવે શું તેના કહેવાનો અર્થ એમ છે કે ઠાકોર અલગ છે અને ગેનીબેન અને તેમને રચેલા બંધારણને માનનારાઓ અલગ છે. આ ભુવો જાણે ગેનીબેનને ખુલ્લો પડકાર ફેંકતા કહે છે કે ચેત્ર અને વૈશાખની બીજ આવે છે અને ત્યારે ડીજે વાગતું હશે તો વાગશે જ. તે બંધ નહીં થાય. મારી આ વાતનો વિડીયો જેને ઉતારવો હોય તે ઉતારે અને ગેનીબેનને મોકલવો હોય તો પણ મોકલે. મને કોઈ ચિંતા નથી. આ મારા ભૂવાની તાકાત નથી, પરંતુ મારી મા જોગણીની તાકાત છે. મા જોગણી કોઈથી ડરે નહીં. આમ ભુવાની વાતે ફરીથી ઠાકોર સમાજમાં ડીજેના સમર્થકો અને ડીજેના વિરોધીઓના સામસામે લાવી દીધા છે.
ઠાકોર સમાજમાં ડીજેને લઈને વિભાજન
ઠાકોર સમાજના કલાકારો અને એક મોટો વર્ગ ડીજેને સમર્થન આપે છે. તેમા વિક્રમ ઠાકોર (Vikram Thakor) જેવા ઢોલીવૂડના સ્ટાર પણ સામેલ છે. તેઓ જાહેર મંચ પરથી ડીજે વગાડનારાઓને સમર્થન આપી ચૂક્યા છે. જ્યારે ગેનીબેન તેના વિરોધમાં છે. તેઓ તેને બિનજરૂરી ખર્ચ માને છે. તેથી તેને બંધ કરાવવું જોઈએ તેમ માન છે. વિક્રમ ઠાકોરે તો ત્યાં સુધી જણાવ્યું છે કે ઠાકોર સમાજના દસ હજારથી વધુ યુવાનો અને તેમના કુટુંબો આના પર નભે છે. બીજી બાજુએ ઠાકોર સમાજના રુઢિચુસ્તો ડીજે પર પ્રતિબંધનું પાલન થવું જ જોઈએ તેમ મક્કમતાપૂર્વક થવુ જોઈએ. તેના જ ભાગરૂપે પોતાને ત્યાં પ્રસંગમાં ગીતો વગાડનારા અર્જુન ઠાકોર (Arjun Thakor) અને ગબ્બર ઠાકોર (Gabbar Thakor) જેવા ગાયક કલાકારોને પણ એક વર્ષ માટે નાત બહાર મૂક્યા હતા.
સૌપ્રથમ, ગબ્બર ઠાકોર અને અર્જુન ઠાકોર સામે ઠાકોર સમુદાય (Thakor Samaj) દ્વારા સ્થાપિત સામાજિક બંધારણનું ઉલ્લંઘન કરવા બદલ કડક કાર્યવાહી કરવામાં આવી હતી, અને તેમને સમુદાયમાંથી બહિષ્કૃત જાહેર કરવામાં આવ્યા હતા. આ નિર્ણયથી ગામમાં મતભેદનું મોજુ ફરી વળ્યું હતું, જેના કારણે ભારે નિવેદનો શરૂ થયા હતા. ગબ્બર ઠાકોરે આક્રમક રીતે જાહેરાત કરી હતી કે ડીજે ચોક્કસપણે વગાડવામાં આવશે.
હવે, એવું લાગે છે કે ગબ્બર ઠાકોરનું વલણ નરમ પડ્યું છે.સોશિયલ મીડિયા પર શેર કરાયેલા એક વીડિયોમાં, તેમણે કહ્યું હતું કે સમુદાયે (Thakor Samaj) એક સાથે અને સકારાત્મક નિર્ણય લેવો જોઈએ. તેમણે કહ્યું હતું કે ડીજેના મુદ્દા પર વિવિધ નેતાઓના અલગ અલગ મંતવ્યો છે. કેટલાક કહે છે કે ડીજે વગાડવો જોઈએ નહીં, જ્યારે અન્ય કહે છે કે તે ઘરે વગાડવો જોઈએ. ગબ્બરે દાવો કર્યો હતો કે તેમની સામે કાવતરું ઘડવામાં આવ્યું છે અને ગામમાં બિનજરૂરી મતભેદ સર્જાયો છે.
ડીજે ખર્ચનો મુદ્દો પણ ગરમાયો છે. ગબ્બરે કહ્યું હતું કે ડીજેનો ખર્ચ 5,000 થી 6,000 રૂપિયા છે, જ્યારે આશ્રયસ્થાનનો ખર્ચ 15,000 રૂપિયા સુધી છે, જેનો સમુદાયે (Thakor Samaj) વિચાર કરવો જોઈએ. ગબ્બર ઠાકોર અને બંધારણ ઘડનારા નેતાઓ વચ્ચે ચાલી રહેલા વિવાદ વચ્ચે, પાટણના કોરડા ગામમાં પણ બંધારણીય ઉલ્લંઘનનો મામલો સામે આવ્યો. ભૂતપૂર્વ સરપંચ મગનજી ઠાકોરના લગ્નમાં વગાડવામાં આવતા ડીજે સામે ઠાકોર સમુદાયે કાર્યવાહી કરી. શરૂઆતમાં, 21,000 રૂપિયાનો દંડ જાહેર કરવામાં આવતા, સભામાં વ્યાપક ગુસ્સો ફાટી નીકળ્યો અને પરિસ્થિતિ તંગ બની ગઈ.
ઠાકોર સમુદાય (Thakor Samaj)ની અર્જુન ઠાકોર માફી માંગી
સભા તૂટી પડતી જોઈને, નેતાઓ અમૃતજી ઠાકોર અને ચંદનજીએ દરમિયાનગીરી કરી. લાંબી ચર્ચા અને ગરમાગરમ ચર્ચા પછી, ઉકેલ આવ્યો. મગનજી ઠાકોરે બધાની સામે સમુદાય (Thakor Samaj)ની માફી માંગી, અને દંડ વધારીને 151,000 રૂપિયા કરવામાં આવ્યો, જેનો ઉપયોગ શૈક્ષણિક હેતુ માટે કરવાનો નિર્ણય લેવામાં આવ્યો. એવી પણ જાહેરાત કરવામાં આવી કે જો ગબ્બર અને અર્જુન ઠાકોર માફી માંગે છે, તો તેમને ફરીથી સમુદાયમાં દાખલ કરવામાં આવશે.
આ પણ વાંચો: ડીજેને લઈને ઠાકોર સમાજમાં વિભાજનઃ વિક્રમ ઠાકોર અને ગેનીબેન સામસામે
આ પણ વાંચો: ઠાકોર સમાજમાં DJ વિવાદ, ગબ્બર ઠાકોરનું નરમ વલણ, માફી, ₹1.51 લાખ દંડ પછી સમાધાન
આ પણ વાંચો: ઠાકોર સમાજમાં DJ વ્યવસાય મુદ્દે વિવાદ તેજ, વિક્રમ ઠાકોરની રજૂઆત પર ગેનીબેન ઠાકોરનો જવાબ
