ડ્રામા ક્વીન રાખી સાવંત હાલમાં ટેલિવિઝનનો બહુચર્ચિત શો બિગ બોસની સીઝન 14 માં જોવા મળી રહી છે. આ સમય દરમિયાન, તે લોકોનું જોરશોરથી મનોરંજન તો કરી રહી છે, સાથે સાથે લોકોને પણ તેનો આ અંદાજ પસંદ આવી રહ્યો છે. રાખી સાવંતની લોકપ્રિયતાનો અંદાજ એ વાત પરથી લગાવી શકાય છે કે બિગ બોસના આગમન પછીથી તે સોશિયલ મીડિયા પર ખૂબ ટ્રેન્ડમાં છે. હવે તેણે શોના એક એપિસોડમાં તેના પતિ વિશે કેટલીક વાતો કહી છે. તેમણે સ્પષ્ટ કરી દીધું છે કે તેમના લગ્ન પબ્લિસિટી નહોતા.
રાખી ઈચ્છે છે કે પતિ બધાની સામે આવે.
રાખી સાવંતે કહ્યું કે તે તેના પતિ રિતેશને ખુબ જ આગ્રહ કરી રહી છે કે, તે દુનિયાની સામે આવે. શોના અન્ય સ્પર્ધકો સાથે વાત કરતા રાખીએ કહ્યું કે, ‘તમે લોકો પ્રાર્થના કરો કે મારા પતિ શોમાં આવે. મેં તેમને હાથ જોડીને વાત કરી છે કે હું ખૂબ જ મોટા શોમાં જઈ રહી છું. શક્ય હોય તો એક વાર આવો. કંઇક કરો, મારી ઈજ્જત કરો. ‘ રાખીએ આ દરમિયાન જણાવ્યું હતું કે લોકો કેવી રીતે કહે છે કે તે સમાચારોમાં આવવા માટે બધું કરે છે.
રાખી – મારા લગ્ન થઇ ગયા છે
તે જ સમયે એ જ રૂમ હાજર રહેલી જાસ્મિન ભસીન અને એલી ગોનીનો સંકેત આપતાં રાખીએ કહ્યું, “અહીંના લોકો સંબંધોમાં રહે છે અને કહે છે કે ‘અમે મિત્રો છીએ.’ હું ચીસો પાડીને કહી રહી છું, હું એમ કહી રહી છું કે મારા લગ્ન થઇ ગયા છે. અરે, પબ્લિસિટી માટે નથી કરી રહી. ‘ આ સાથે રાખી સાવંતે એમ પણ કહ્યું હતું કે તેના પતિને હજી થોડો વધુ સમય જોઈએ છે અને તે બંનેનાના બાળકનો જન્મ થાય તે પહેલાં જ તેનો પતિ દુનિયાની સામે આવશે.
પતિ પણ આપી ચુક્યો છે ઇન્ટરવ્યુ
ગયા વર્ષે રાખી સાવંતના પતિએ એક ખનગી માધ્યમને ઇન્ટરવ્યૂ આપ્યું હતું. જેમાં તેણે કહ્યું હતું કે તેમને રાખીમાં કોઈ પરિવર્તન નથી જોઈતું. તેણે કહ્યું હતું કે ‘હું ભાગ્યશાળી છું. રાખી મને ભગવાન દ્વારા આપવામાં આવેલી ભેટ છે. મેં તેના જેવી સ્ત્રી ક્યારેય જોઇ નથી. મને લાગે છે કે તે મારા કરતા સારા છે. ‘ બીજી તરફ રાખી સાવંતે લગ્ન પછી અને કરવચૌથ જેવા તહેવારો દરમિયાન પણ એક સુહાગન તરીકે માથા પર સિંદૂર સાથે પોતાની તસવીરો શેર કરી હતી. તેની એક પણ તસવીર તેના પતિ સાથે નહોતી, જેના કારણે લોકોને લાગ્યું કે રાખી પબ્લિસિટી માટે લગ્ન કરવાનું નાટક કરી રહી છે.
બિગ બોસની વાત કરીએ તો રાખીનો આ શો સાથે જૂનો સંબંધ છે. તે શોની પહેલી સીઝનમાં એક સ્પર્ધક તરીકે જોવા મળી છે. આ વર્ષે, તે બિગ બોસની સીઝન 14 માં ભાગ લેવા માટે આ મહિનાની શરૂઆતમાં તે ઘરમાં પ્રવેશ કર્યું હતું. તેની સાથે અન્ય કેટલાક પૂર્વ સ્પર્ધકો પણ ચેલેન્જર્સ તરીકે ઘરે આવ્યા છે. તે ટ્રોફી માટે અન્ય સ્પર્ધકો સાથે પણ ભાગ લેશે.
ઇશા ગુપ્તાએ બાથરૂમમાં ક્લિક કરી હોટ સેલ્ફી, સોશિયલ મીડિયા પર થઇ વાયરલ
વરુણ અને સારાની ફિલ્મ કૂલી નંબર 1 નું નવુ સોન્ગ ‘મમ્મી કસમ’ રિલીઝ, જુઓ વીડિયો
આ વર્ષે ફિલ્મ ઇન્ડસ્ટ્રીમાં આ સ્ટાર્સે કર્યું ધમાકેદાર ડેબ્યુ
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
