Stamp Duty Rule Change: રાજ્યપાલ દ્વારા સ્ટેમ્પ ડ્યુટી સુધારા બિલને મંજૂરી આપવામાં આવી છે. તાજેતરમાં જ ગુજરાત વિધાનસભામાં ‘ગુજરાત સ્ટેમ્પ સુધારા બિલ 2025’ રજૂ કરવામાં આવ્યું હતું. સુધારા બિલમાં સૌથી મોટી અપડેટ એ છે કે દંડની રકમ 200 રૂપિયાથી વધારીને 1 લાખ રૂપિયા કરવામાં આવી છે.
સ્ટેમ્પ ડ્યુટી સુધારા બિલ તાજેતરમાં ગૃહમાં રજૂ કરવામાં આવ્યું હતું. તે મુજબ, ગુજરાત સ્ટેમ્પ અધિનિયમ 1958 ની કલમ 9-A ની જોગવાઈઓનું પાલન ન કરનારા અથવા સરકારમાં સ્ટેમ્પ ડ્યુટી વસૂલવા અને જમા કરાવવામાં નિષ્ફળ રહેનારા અથવા સ્ટેમ્પ ડ્યુટી વિશે ખોટી માહિતી આપનારાઓ માટે દંડની રકમમાં વધારો કરવામાં આવ્યો છે. જેમાં દંડની રકમ હાલના 200 રૂપિયાથી વધારીને 1 લાખ રૂપિયા કરવામાં આવી છે.
નવા પ્રસ્તાવિત સુધારા બિલમાં રજૂ કરાયેલી જોગવાઈ મુજબ, ઓછામાં ઓછો દંડ 10,000 રૂપિયા હોવો જોઈએ. કલમ 62-A ની કલમ 1, 2, 3 માં કરવામાં આવેલી નવી જોગવાઈ મુજબ, આ દંડની રકમ કેટલાક કિસ્સાઓમાં 200 રૂપિયાથી વધારીને 50,000 રૂપિયા કરવામાં આવી છે. ઉપરાંત, બિલમાં ઓછામાં ઓછા 10,000 રૂપિયાના દંડની જોગવાઈ છે.
દંડની જંગી રકમ રાખીને તે રકમમાં ઘટાડો કરવાની કલેક્ટરને સલાહ આપવામાં આવી હતી. આ સાથે, રહેણાંક અને વાણિજ્યિક મિલકતો ભાડે આપનારાઓ પરનો બોજ પણ વધારવામાં આવ્યો છે. રહેણાંક હેતુ માટે 11 મહિના અને 39 દિવસના ભાડા કરાર માટે 500 રૂપિયાનો સ્ટેમ્પ અને વાણિજ્યિક હેતુ માટે 1000 રૂપિયાનો સ્ટેમ્પ વાપરવાની જોગવાઈ છે. જો આ કરારની વિગતો પાંચ કે પંદર વર્ષ સુધી આપવામાં ન આવે, તો તેના માટે 10,000 રૂપિયાનો સ્ટેમ્પ લગાવવો પડશે અને દરેક વધારાના વર્ષ માટે બે ટકા દંડ લાદવાની જોગવાઈ કરવામાં આવી છે.
સ્ટેમ્પ ડ્યુટી ખૂબ જ મહત્વપૂર્ણ દસ્તાવેજ છે. જેમાં પૈસા જમા કરાવીને દસ્તાવેજ મંજૂર કરવામાં આવે છે. હવે નવા સુધારા મુજબ સરકારે સ્ટેમ્પ ડ્યુટીની રકમ બમણી કરી દીધી છે. ઉદાહરણ તરીકે, જો તમારે 1 લાખ રૂપિયાની સ્ટેમ્પ ડ્યુટી ચૂકવવાની હોય, તો હવે તમારે તેના બદલે 2 લાખ રૂપિયા જમા કરાવવા પડશે. તેથી, આ ક્ષેત્ર સાથે સંકળાયેલા લોકોએ આ વિશે માહિતી મેળવવી જોઈએ.
આ પણ વાંચો:ભ્રષ્ટાચારનો પર્દાફાશ: સ્ટેમ્પ ડ્યુટી કચેરીના 2 અધિકારીઓ 3 લાખની લાંચ લેતા ઝડપાયા
આ પણ વાંચો:જંત્રીમાં વધારાના પગલે સરકારની સ્ટેમ્પ ડ્યુટીની આવકમાં ધરખમ વધારો
આ પણ વાંચો:રાજ્યમાં સ્ટેમ્પ ડ્યુટીની આવકમાં અમદાવાદ સહિત પાંચ જિલ્લાઓનો સૌથી વધુ ફાળો
