રાજકોટ પીજીવીસીએલ વિજિલન્સ વિભાગ દ્વારા આજરોજ ઇન્ફોર્મેશનના આધારે સદર વિસ્તારમાં વીજજોડાણના ઇન્સ્ટોલેશન ચેકિંગ કરતાં ધી જેનીસ પેલેસ નામની હોટેલ વીજચોરીમાં પકડાઈ ગયેલ હતી . વીજબોર્ડના ટ્રાન્સફોર્મર પાસેના ડીસ્ટ્રીબ્યુશન બોક્સમાંથી થ્રી ફેઇઝ કેબલ જોડી અન્ડરગ્રાઉન્ડ કરીને પોતાની હોટેલના લોડ સાઈડમાં ડાયરેક્ટ જોડવામાં આવેલ હતા . આમ થ્રી ફેઇઝ મીટર બાયપાસ કરી સીધું વીજજોડાણ લઇ પાવરચોરી કરતાં રંગેહાથ પકડાઈ ગયેલ .
આ પણ વાંચો; કચ્છમાં વધુ 7 પાકિસ્તાની બોટ ઝડપાઇ, ઘુષણખોરો માટે લાલ જાજમ બનતો દરિયાકિનારો
આ વીજજોડાણ સાજીદભાઈ અહમદભાઈ જિન્દાણીના નામનું છે , જેનો કોન્ટ્રાક્ટેડ લોડ 25 કે.ડબલ્યુ . છે . આ જોડાણમાં લોડ ચેક કરતાં કુલ 48.59 કે.ડબલ્યુ . લોડ જોડવામાં આવેલ . આ વીજજોડાણ કાપી નાખવામાં આવેલ છે અને મીટર સર્વિસ ઉતારી વધારાનો થ્રી ફેઇઝ કેબલ કબજે લીધેલ છે. આ વીજચોરીનું અંદાજીત બીલ રૂ . 40 લાખ જેવું થશે.રાજકોટમાં વીજવિભાગ દ્વારા હાલમાં મોટા પ્રમાણમાં વીજ દરોડા ચાલુ છે અને આગામી દિવસોમાં વધુ વીજજોડાણોના ચેકિંગ હાથ ધરવામાં આવશે.
આ પણ વાંચો: ભાજપનો ચૂંટણી ઢંઢેરો જાહેર, સ્કૂટી, લેપટોપ અને બે એલપીજી સિલિન્ડરનું વચન
ઉપરોક્ત વીજજોડાણના ચેકિંગમાં વિજિલન્સ સ્કવોડના નાયબ ઈજનેર કગથરા તથા મારડિયા તથા પોલીસ વિભાગમાંથી એ.જે. મુલીયાણા , હેડ કોન્સ્ટેબલ તથા વીજ કચેરીનો સ્ટાફ અને પોલીસ સ્ટાફ હાજર રહી વીજચોરી પકડી પાડેલ હતા.
