મુંબઇ,
મિસ વર્લ્ડ 2017નું ટાઈટલ જીતનારી માનુષી છિલ્લર ટૂંક સમયમાં બોલિવૂડમાં પગ મુકવા જઈ રહી છે. સમાચાર મળી રહ્યા છે કે માનુષી ફરાહ ખાનની ફિલ્મથી બોલિવૂડમાં ડેબ્યુ કરશે. અગાઉ, ફરાહ ખાને ફિલ્મ ‘ઓમ શાંતિ ઓમ’થી દીપિકા પાદુકોણ લોન્ચ કરી હતી. જે આજે ફિલ્મ ઇન્ડસ્ટ્રી પર રાજ કરી રહી છે.
અહેવાલો અનુસાર, માનુષી અને ફરાહએ ફિલ્મને લઈને ચર્ચા પણ કરી છે. એટલું જ નહીં, માનુષીએ ફિલ્મની સ્ક્રિપ્ટ પર કામ કરવાનું શરૂ પણ કર્યું છે જેના માટે તે ગોવા ગઈ હતી.એવું કહેવામાં આવી રહ્યું હતું કે માનુષી ધર્મા પ્રોડક્શન્સની ફિલ્મથી બોલિવૂડમાં ડેબ્યુ કરશે. પરંતુ હવે ફરાહ માનુષીને લોન્ચ કરશે.
માનુષીએ અભિનેતા રણવીર સિંહ સાથે એક ટીવી જાહેરાત કરી ચુકી છે. માનુષી એ જાહેરાતમાં અભિનયને ખુબ જ પસંદ કરવામાં આવ્યો હતો. થોડા સમય પહેલા માનુષી એલેન ડીજેનેરેસ શોના સેટ પર જોવા મળી હતી. જ્યાં તેમના ચાહકો તેને જોઈને ખૂબ જ ખુશ હતા.
માનુષીએ ઘણીવાર કહ્યું છે કે તે હિન્દી ફિલ્મ ઇન્ડસ્ટ્રીનો ભાગ બનવા માંગે છે. વર્ષ 2017 માં, 17 વર્ષ પછી, ભારતનું નામ મિસ વર્લ્ડ ટાઇટલ માનુષી છિલ્લર દ્વારા નસીબ થયું હતું. આ પહેલા વર્ષ 2000 માં બોલિવૂડની દેશી ગર્લ પ્રિયંકા ચોપરાએ આ ટાઇટલ દેશના નામે કર્યું હતું.