મુંબઇ,
‘અંખિયા મારે…’ ના વાયરલ વીડિયોને કારણે રાતોરાત સોશ્યલ મીડિયા પર ચર્ચામાં આવેલી મલયાલમ એકટ્રેસ પ્રિયા પ્રકાશ વારિયર ફરી ટ્રોલ થઈ છે. આ વખતે અંખિયા મારે….ને કારણે નહીં પણ કિસિંગ સીનને કારણે ચર્ચામાં છે.
પ્રથમ ફિલ્મ રીલિઝ થતા અગાઉ જ રાતોરાત ફેમસ બનેલી મલયાલમ એક્ટ્રેસ પ્રિયા પ્રકાશનો તાજેતરમાં તેની ડેબ્યું ફિલ્મ ઓરુ અડાર લવના એક વીડિયો ખૂબ વાયરલ થઈ રહ્યો છે. આ વીડિયો સીનમાં તે પોતાના કો-એક્ટરને કિસ કરતી નજરે પડે છે.
ફક્ત પોતાની આંખોના ઇશારાને કારણે રાતોરાત નેશનલ ક્રશ બનવાવાળી મલયામલ હિરોઇન પ્રિયા પ્રકાશનો એક નવો વીડિયો સામે આવ્યો છે. ખાસ કરીને વેલેન્ટાઈન ડે અગાઉ જ રીલિઝ થયેલા આ કિસિંગ સીનને કારણે પ્રિયા ફરી એક વખત ચર્ચામાં આવી ગઇ છે.
https://youtu.be/Ma8ICkzcfFk?t=5
સોશ્યલ મીડિયામાં વાયરલ થઇ રહેલી આ ક્લિપમાં પ્રિયા પોતાના કો-એક્ટર રોશન અબ્દુલ રઉફ સાથે લીપ લોક કરતી નજરે પડે છે. પ્રિયા પ્રકાશની આ ડેબ્યૂ ફિલ્મ 14 ફેબ્રુઆરીના રોજ રીલિઝ થવા જઇ રહી છે. તેની આ ફિલ્મ રીલિઝ થતાં અગાઉ જ તેના આ કિસિંગ સીનને કારણે પ્રિયા પ્રકાશ ફરી એક વખત સોશ્યલ મીડિયામાં ટ્રોલ થઇ ગઇ છે.
આ અગાઉ પ્રિયા પ્રકાશની ફિલ્મ શ્રીદેવી બંગલોનું ટ્રેલર રીલિઝ થયું હતું જેમાં તે એક એક્ટ્રેસની ભૂમિકામાં નજરે પડે છે. બોલિવૂડની દિવંગત અભિનેત્રી શ્રીદેવીનું જે રીતે મૃત્યુ થયું તે અનુસાર જ ફિલ્મમાં પ્રિયા પ્રકાશ પણ મૃત્યુ પામતી બતાવવામાં આવી છે. તે અંગે પણ પ્રિયાની ખૂબ આલોચન થઈ હતી. આ અંગે મળતી માહિતી અનુસાર ટ્રેલરથી નારાજ થયેલા શ્રીદેવીના પતિ બોની કપૂરે પણ આ ફિલ્મ નિર્માતાને લીગલ નોટિસ મોકલી આપી હતી.
