મુંબઈ
અલી અબ્બાસ ઝફરના મેગા પ્રોજેક્ટ ‘ભારત’ મુખ્ય અભિનેત્રી પ્રિયંકા ચોપરાએ ફિલ્મમાંથી વોક આઉટ કર્યું છે. પ્રિયંકાનું નામ મીડિયામાં દુનિયામાં સંપૂર્ણ ચર્ચા હતું અને લોકો જાણતા હતા કે, લાંબા સમય બાદ સલમાન ખાન સાથે પ્રિયંકા મોટી સ્ક્રીન પર પાછા આવી રહ્યા છે. જો કે તેઓએ આ પ્રોજેક્ટ છોડી બધા લોકોને આશ્ચર્યમાં મૂકી દીધા છે.
આ મામલે સલમાન ખાનના પિતા સલીમ ખાનનું એક નિવેદન સામે આવ્યું છે. સ્પોટબોયના જણાવ્યા અનુસાર, સલીમ ખાને કહ્યું છે કે, “આવુ પહેલીવાર નથી બન્યું. ફિલ્મ ઇન્ડસ્ટ્રીઝમાં આવી વસ્તુઓ થતી રહે છે. અમારી ફિલ્મ ‘ઝંઝીર’માં, ઘણું વધુ થયું હતું.”
પ્રિયંકાના અચાનક આવા નિર્ણય પર, સલીમ ખાને કહ્યું કે, “ના, તે અચાનક નથી, હું ફરીથી કહું છું કે આવી બાબતો થાય છે.” આ મુદ્દો તારીખના કારણે છે, ક્યારેક રોલ્સને કારણે અને ક્યારેક પૈસાના કારણે કે લોકોની કોઈક મજબૂરીના કારણે પોતાનો રોલ છોડતા હોય છે”.
તેઓએ વધુમાં જણાવ્યું, “પ્રિયંકાએ શા માટે ‘ભારત’છોડી દીધી છે તે અંગે હજુ પણ મને ખબર નથી, પરંતુ ટૂંક સમયમાં જ અમે કોઈ બીજાને લાવીશું. અમે પ્રિયંકાથી ગુસ્સે નથી, સલમાન ગુસ્સે નથી. પ્રિયંકાની ભૂમિકામાં કોઈ કાસ્ટિંગ પર સલીમ ખાને જવાબ આપ્યો, “કોઈ પણ તેમની જગ્યાએ આવી શકે છે, ઘણા લોકો છે”.
પ્રિયંકાના આ વર્તનને ‘ભારત’ના નિર્માતા નિખિલ નમિતને ‘અનપ્રોફેશનલ’ તરીકે ગણાવ્યું છે. પ્રિયંકા ચોપરા અને સલમાન ખાન ‘ભારત’ માં મુખ્ય ભૂમિકામાં કામ કરશે, આ સમાચાર સતત હેડલાઇન્સમાં હતા, પરંતુ આ અંગે ચર્ચા કર્યા પછી,પ્રિયંકાનું આ પ્રકારે વોક આઉટ કરવું એ નિર્દેશકને ગમ્યું નથી.
જો કે, એ વાત સાચી છે કે દિગ્દર્શક અલીએ પોતે ટ્વિટર હેન્ડલ સાથે ટ્વિટ કરી હતી કે, “પ્રિયંકા હવે ફિલ્મનો ભાગ નથી, અને ઈશારોમાં તેણે એમ પણ જણાવ્યું હતું કે, નિક સાથેના તેમના લગ્નને કારણે તેઓ આમ કરી રહ્યાં છે”.
આપને જણાવી દઈએ કે, અતુલ અગ્નિહોત્રીનું રીયલ લાઇફ પ્રોડક્શન્સ ભારતનું સહ નિર્માણ કરે છે અને નિખિલ આ કંપનીના સીઈઓ છે. મીડ-ડેની વાતચીતમાં નિખિલએ કહ્યું હતું કે, “પ્રિયંકાએ બે દિવસ પહેલાં કહ્યું હતું તે સગાઈના લીધે તેને ફિલ્મ છોડવી પડી હતી. આ બધું અચાનક જ કરવું અશક્ય હતું. પ્રિયંકાના ગયા પછી, ફિલ્મ મેકર્સ હવે કેટરીના અને જેક્વેલિન વિશે વિચારી રહ્યાં છે.
