અભિનેત્રી મલ્હાર રાઠોડે એક મોટો ખુલાસો કરી સૌ કોઇને ચોંકાવી દીધા છે. તેણે કહ્યુ છે કે તેને પણ ફિલ્મ ઇન્ડસ્ટ્રીમાં કાસ્ટિંગ કાઉચનો સામનો કરવો પડ્યો હતો. મલ્હારે કહ્યું છે કે, તેની ઓફિસમાં ફોન કરીને નિર્માતાએ તેને ટોપ ઉપર ઉઠાવવા કહ્યું, તેમણે કહ્યું કે તેઓ શરીરનાં ઉપરનાં ભાગને જોવા માંગે છે. મલ્હારે એક સમાચાર એજન્સીને કહ્યું છે કે આ નિર્માતા 65 વર્ષનો છે, જેણે તેની સાથે આ હરકતો કરી હતી.
ટીવી અભિનેત્રી મલ્હારે કહ્યું કે, તેણે મને કહ્યુ કે હુ મારો ટોપ ઉંચો ચઢાવુ. તેમણે કહ્યું કે મારા માટે આ પણ તે કામનો એક ભાગ છે. આ રીતે અચાનક સવાલથી હું ગભરાઈ ગઈ. મને સમજાયુ જ નહી કે મારે શું કરવું. મેં ઝડપથી પોતાને સંભાળી અને ત્યાંથી નીકળી ગઈ. મલ્હારે કહ્યું છે કે, તેની કારકિર્દીની શરૂઆતમાં તેની સાથે આ બન્યું હતું. મલ્હાર ટીવી એક્ટ્રેસ તરીકે ખૂબ જ લોકપ્રિય છે. તેણીએ માત્ર ટીવી પર છાપ જ નથી બનાવી પરંતુ તે ગાર્નિયર અને ડવ સહિત અનેક વૈશ્વિક સ્કીનકેર બ્રાન્ડની જાહેરાતોમાં પણ દેખાઈ રહી છે. હવે તે ભારતીય પ્રેક્ષકોનો પરિચિત ચહેરો છે.
ગયા વર્ષે મીટી અભિયાનમાં, ઘણી અભિનેત્રીઓએ તેમની સાથે થયેલા ગેરવર્તન અને કાસ્ટિંગ કાઉચ વિશે ઘણાં ખુલાસાઓ કર્યા હતા. ખાસ કરીને તનુશ્રી દત્તાનાં નાના પાટેકર પરનાં આક્ષેપો બાદ અનેક અભિનેત્રીઓએ તેના પર ચર્ચાઓ કરી હતી. જણાવી દઇએ કે કાસ્ટિંગ કાઉચનો મામલો ફિલ્મ ઉદ્યોગમાં નવો નથી. ઘણી અભિનેત્રીઓએ કહ્યું છે કે તેમને ફિલ્મમાં કામ કરવા માટે જાતીય તરફેણ માટે કહેવામાં આવ્યું હતું.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
