ભારત અને પાકિસ્તાન વચ્ચે ફરી એકવાર તણાવ વધી ગયો છે. સોમવારે વિદેશ મંત્રી એસ જયશંકરે ગુજરાતમાં કહ્યું હતું કે પાકિસ્તાન આંતરરાષ્ટ્રીય આતંકવાદમાં નિષ્ણાત છે. આ સિવાય બીજો કોઈ દેશ નથી જેણે આતંકવાદને ખુલ્લેઆમ સમર્થન આપ્યું હોય. હવે જયશંકરના નિવેદનથી પાકિસ્તાન સ્તબ્ધ થઈ ગયું છે. હંમેશની જેમ તેણે ફરી ગુસ્સામાં ભારત વિશે ખોટા દાવા કર્યા છે, દુનિયાને ગેરમાર્ગે દોરવાનું કામ કર્યું છે.
પાકિસ્તાનના વિદેશ મંત્રાલયે એક નિવેદનમાં કહ્યું છે કે જયશંકરનું નિવેદન એ કહેવા માટે પૂરતું છે કે દરેક વખતે ભારતના નેતાઓ આતંકવાદ પર પાકિસ્તાન વિરુદ્ધ દુનિયાને ગેરમાર્ગે દોરવાનું કામ કરે છે. આવા નિવેદનો સંપૂર્ણપણે બેજવાબદાર છે અને અમે તેની નિંદા કરીએ છીએ. પાકિસ્તાને તો ત્યાં સુધી દાવો કર્યો છે કે ભારત તેની ધરતી પરથી આતંકવાદને સમર્થન આપે છે અને તેમની વિરુદ્ધ ષડયંત્ર પણ કરે છે.
હવે જાણકારી માટે તમને જણાવી દઈએ કે સોમવારે વિદેશ મંત્રી એસ જયશંકરે પાકિસ્તાન પર આકરા પ્રહારો કર્યા હતા. તેમણે કહ્યું હતું કે એક તરફ દુનિયા ભારતને આઈટીમાં એક્સપર્ટ માને છે તો બીજી તરફ પાકિસ્તાન પણ ઈન્ટરનેશનલ ટેરરિઝમમાં એક્સપર્ટ બની ગયું છે. જયશંકરે કડક શબ્દોમાં કહ્યું હતું કે પાકિસ્તાન જે રીતે આતંકવાદનું સમર્થન કરે છે તે રીતે અન્ય કોઈ દેશ આતંકવાદનું સમર્થન કરતું નથી. દરેક વ્યક્તિ જાણે છે કે પાકિસ્તાને દરેક વખતે ભારત વિરુદ્ધ કેવી રીતે ષડયંત્ર રચ્યું છે. 26/11ના હુમલા પછી આપણે પોતે સમજવાની જરૂર છે કે આ પ્રકારનું વર્તન સ્વીકાર્ય નથી. જો કોઈ આવું કરે છે, તો તેણે પરિણામ ભોગવવા માટે તૈયાર રહેવું પડશે.
અત્રે એ જાણવું જરૂરી છે કે પાકિસ્તાન દ્વારા હંમેશા ભારત વિરુદ્ધ આતંકવાદી હુમલા કરવામાં આવે છે. પાકિસ્તાનના આતંકવાદીઓએ જમ્મુ-કાશ્મીરમાં અનેક વખત નિર્દોષ લોકોના જીવ લીધા છે. પછી ભલે તે ઉરી હુમલો હોય કે પછી પુલવામામાં આતંકવાદી હુમલો. ભારતે પણ હંમેશા પાડોશી દેશને જડબાતોડ જવાબ આપ્યો છે. એક તરફ ઉરી હુમલા બાદ સર્જિકલ સ્ટ્રાઈક કરવામાં આવી હતી તો બીજી તરફ પુલવામા હુમલા બાદ એરસ્ટ્રાઈક કરવામાં આવી હતી.
આ પણ વાંચો:ગરબામાં રમતા વધુ એક યુવકને મળ્યું મોત, પિતાએ સમાચાર સાંભળ્યા પછી તેઓના પણ તૂટ્યા શ્વાસ
આ પણ વાંચો:દવા અસલી છે કે નકલી? આવા સ્કેન કરવાથી ઘરે બેઠા જ મિનિટોમાં જાણી શકાશે સત્ય
આ પણ વાંચો:7મી થી 10 દિવસ ની ગૌરવ યાત્રા, મોદી 9 અને10 આવશે, તે પછી તરત જ ઉમેદવાર પસંદગી ની પ્રક્રિયા
