Kutch News:કચ્છના વાંઢિયા ગામમાં અદાણી વીજ લાઇનના મુદ્દા પર ખેડૂતોનું આંદોલન વધુ તીવ્ર બન્યું છે. ત્યારે અદાણી કંપની પૂરતું વળતર આપવામાં નિષ્ફળ જતાં ખેડૂતો રસ્તા પર ઉતરી આવ્યા હતા અને રસ્તો બ્લોક કરી દીધો હતો. રામદેવપીર વોંઢ પાસે ખેડૂતોના (Farmers) મોટા મેળાવડાને કારણે ભચાઉ-સામખીયારી રાષ્ટ્રીય ધોરીમાર્ગ બંધ થઈ ગયો હતો. જોકે, સાત કલાકની નાકાબંધી બાદ, કલેક્ટરના (Collector) વચગાળાના આદેશ બાદ ખેડૂતોએ હવે પોતાનો વિરોધ સમાપ્ત કર્યો છે.
વાંઢિયા ગામે ખેડૂતોનો મોટો વિરોધ
વાંઢિયાના ખેડૂતો અને ખેડૂત સંઘે નોંધપાત્ર વિજય મેળવ્યો છે. સાત કલાકથી બંધ રહેલો સામખીયારી હાઇવે હવે કલેક્ટરના વચગાળાના ઉકેલ બાદ ફરી ખુલ્યો છે. વચગાળાના નિર્ણયમાં જણાવાયું છે કે ખેડૂતો અને અદાણી જૂથ વચ્ચે વાટાઘાટો દ્વારા વાજબી વળતરનો મુદ્દો ઉકેલાય ત્યાં સુધી વીજ થાંભલા પર કામ ફરી શરૂ થશે નહીં. આ વચગાળાના ઉકેલ બાદ, ખેડૂત નેતાઓએ હાઇવે ફરીથી ખોલવાની જાહેરાત કરી છે. ભારતીય કિસાન સંઘએ આ જીતનું સ્વાગત કર્યું છે, કારણ કે ખેડૂતોનો સંઘર્ષ સફળ રહ્યો છે.
આપને જણાવી દઈએ ખેડૂતોએ ભચાઉ-સામખીયારી રાષ્ટ્રીય ધોરીમાર્ગ રોકી દીધો હતો. અદાણી કંપની દ્વારા યોગ્ય વળતર આપવામાં નિષ્ફળ જતાં તેઓ રસ્તા પર ઉતરી આવ્યા હતા. રામદેવપીર વોંધ પાસે મોટી સંખ્યામાં ખેડૂતો એકઠા થયા હતા અને ભચાઉ-સામખીયારી રાષ્ટ્રીય ધોરીમાર્ગને બ્લોક કરી દીધો હતો. ખેડૂતો રસ્તા પર બેસી ગયા હતા અને ધાર્મિક ગીતો ગાતા હતા. આંદોલનને કારણે રાષ્ટ્રીય ધોરીમાર્ગ પર ટ્રાફિક ખોરવાઈ ગયો હતો.
