PUMA કંપની અને કોહલીની one8 કંપની દ્વારા નવાં સ્નીકર શુઝ લોન્ચ કરવામાં આવ્યા છે. પોતાનાં one8 કલેક્શનનાં ભાગ રૂપે આ નવા સ્નીકર લોન્ચ કરવામાં આવ્યા છે. આ સ્નીકરની ખાસિયત એ છે કે આ સ્નીકરને ખુદ વિરાટ કોહલીએ ડીઝાઇન કરેલાં છે.
કોહલી પોતાની સ્ટાઈલ અને ફેશન સેન્સ માટે પણ ઘણા પ્રખ્યાત છે. એમની પર્સનલ સ્ટાઈલની પ્રીતીતી એમણે ડીઝાઇન કરેલાં આ સ્નીકરમાં જોવા મળે છે. સિમ્પલ લુક ધરાવતાં આ સ્નીકર બ્લેક અને વ્હાઈટ કલરમાં મળશે.
ઈન્સ્ટાગ્રામ પર ફોટો શેર કરીને લખ્યું હતું કે , ‘100% ક્લાસિક, 100% હું!. આજે હું ફાઈનલી બાસ્કેટ ક્લાસિક one8 લોન્ચ કરી રહ્યો છું. આ પહેલા સ્નીકર છે જે મેં ડીઝાઇન કર્યા છે અને એ સિમ્પલ છે. એમાં ક્રિકેટને લગતું થોડું છે અને આ કોઇપણ પ્રસંગ માટે પરફેક્ટ છે.’
પોતે ક્રિકેટર છે અને એમને ક્રિકેટ પ્રત્યે લગાવ હોય એ સ્વાભાવિક વાત છે અને એટલે જ આ સ્નીકરમાં તમને ક્રિકેટનો પણ થોડો ટચ જોવા મળશે. આ સ્નીકરની કીમત 5999 રૂપિયા છે.