Junagadh News: જૂનાગઢમાં સિંહણને બેભાન કરવાં જવાના કિસ્સામાં વન કર્મચારીને ઇન્જેક્શન વાગ્યુ હતુ. સિંહણને બેભાન કરવાની ગનમાંથી છૂટેલું ઇન્જેકશન વનવિભાગના ટ્રેકર અશરફ ચૌહાણને વાગ્યુ હતુ. તેમને ગંભીર સ્થિતિમાં હોસ્પિટલ લાવવામાં આવ્યો હતો. આ ટ્રેકર અશરફ ચૌહાણનું સારવાર દરમિયાન મોત થયું હતું. તેમને ઇન્જેકશન વાગતે ગઇકાલે જ હોસ્પિટલ ખસેડવામાં આવ્યા હતા. આજે સવારે સારવાર દરમિયાન તેમનું મોત થયું હતું.
ઉલ્લેખનીય છે કે જૂનાગઢ જિલ્લાના વિસાવદર તાલુકાના નાની મોનપરી ગામમાં ગીરને અડીને આવેલા વાડી વિસ્તારમાં રવિવારે સવારે એક ભયાનક ઘટના બની. ચાર વર્ષના માસૂમ બાળક પર સિંહણે હુમલો (Lion Attack) કરીને તેનું મોત નીપજાવ્યું. ખેતમજૂર પરિવારનો આ નાનો બાળક વહેલી સવારે ગુમ થઈ ગયો હતો અને વન વિભાગની ટીમને તેનો લોહીથી લથપથ મૃતદેહ મળ્યો હતો.
બાળકના શરીરમાં સિંહણના હુમલા (Lion Attack)ના સ્પષ્ટ નિશાન અને ઊંડા ઘા હતા. વન વિભાગની ટીમ તાત્કાલિક ઘટનાસ્થળે પહોંચી ગઈ હતી અને હુમલો કરનાર સિંહણને પકડવા માટે સાસણથી એક ખાસ બચાવ ટીમને બોલાવવામાં આવી હતી. આ ઘટનાથી સમગ્ર વિસાવદરમાં, ખાસ કરીને રાત્રે ખેતરોમાં જતા ખેડૂતો અને મજૂર પરિવારોમાં ભય અને આતંક ફેલાયો છે.
સિંહણે હુમલો (Lion Attack) કરી 4 વર્ષના માસૂમ બાળકનો શિકાર કર્યો
જૂનાગઢ જિલ્લાના વિસાવદર તાલુકાના નાની મોનપરી ગામમાં આજે સવારે એક ભયાનક ઘટના બની. ગીરને અડીને આવેલા આ વિસ્તારમાં જંગલના રાજાના આતંક વચ્ચે, એક સિંહણે ચાર વર્ષના બાળક પર હુમલો કર્યો હતો. આજે સવારે વાડી વિસ્તારમાં કામ કરતા એક પરિવારનો પુત્ર ગુમ થઈ ગયો હતો, અને તેનો મૃતદેહ લોહીના ખાબોચિયામાં મળી આવતા સમગ્ર વિસ્તારમાં ભયનો માહોલ ફેલાયો હતો.
આજે સવારે વાડીમાંથી અચાનક બાળક ગાયબ થઈ ગયું
નાની મોણપરી ગામની સીમમાં આવેલી વાડીમાં ખેતમજૂરી કરીને ગુજરાન ચલાવતો એક પરિવાર મજૂરી દ્વારા ગુજરાન ચલાવે છે. આ પરિવારનો ચાર વર્ષનો પુત્ર આજે સવારે અચાનક ગુમ થઈ ગયો. પરિવારે ખૂબ શોધખોળ કરી, પરંતુ બાળકનો ક્યાંય પત્તો લાગ્યો નહીં. ખેતરના માલિકને આ વાતની જાણ થતાં તેમણે તાત્કાલિક વન વિભાગ (Forest Department)ને ફોન કર્યો અને શંકા વ્યક્ત કરી કે બાળક ગુમ થઈ ગયું છે અને કોઈ જંગલી પ્રાણી તેને લઈ ગયું છે.
લોહીથી લથપથ બાળકને સારવાર માટે જૂનાગઢ લઈ જવાયો
ઘટનાની ગંભીરતાને ધ્યાનમાં રાખીને, વન વિભાગ (Forest Department)ની ટીમ કાફલા સાથે ઘટનાસ્થળે પહોંચી. વન અધિકારીઓએ આસપાસના ખેતરો અને ઝાડીઓમાં વ્યાપક શોધખોળ શરૂ કરી. આ શોધખોળ દરમિયાન, નાની મોણપરી ગામની સીમા પાસે બાળક ગંભીર રીતે ઘાયલ હાલતમાં મળી આવ્યું. બાળકના શરીર પર સિંહણના હુમલા (Lion Attack) અને ઊંડા ઘાનાં સ્પષ્ટ નિશાન હતા. લોહીથી લથપથ બાળકને તાત્કાલિક જૂનાગઢ સિવિલ હોસ્પિટલમાં લઈ જવામાં આવ્યો, પરંતુ કમનસીબે, ફરજ પરના ડોક્ટરોએ તેને મૃત જાહેર કર્યો.
આ પણ વાંચો:12 કલાકમાં 3 અલગ-અલગ ઘટનાઓમાં સિંહણે 6 વ્યક્તિ પર કર્યા હુમલા, મહામુસીબતે પાંજરે પુરાણી
