ઓસ્ટ્રેલિયાના પૂર્વ ક્રિકેટર રોડ માર્શનું 74 વર્ષની વયે નિધન થયું છે. ગયા અઠવાડિયે તેમને હાર્ટ એટેક આવ્યો હતો જેના લીધે તેઓ કોમામાં ચાલ્યા ગયા હતા. એક અઠવાડિયા સુધી કોમામાં રહ્યા બાદ તેમનું અવસાન થયું. ઓસ્ટ્રેલિયાના ક્રિકેટ અધ્યક્ષ ડૉ. લચલન હેન્ડરસને વિકેટ કીપર બેટ્સમેનના મૃત્યુની પુષ્ટિ કરતા કહ્યું, “ઓસ્ટ્રેલિયન ક્રિકેટ અને રોડ માર્શને પ્રેમ કરનારા અને વખાણનારા લોકો માટે આ ખૂબ જ દુઃખદ ઘટના છે. રોડ જે રીતે ક્રિકેટ રમ્યા અને તેને હંમેશા યાદ કરવામાં આવશે. ઓસ્ટ્રેલિયન ટીમનો ભાગ રહીને તેણે ચાહકોને આનંદ આપ્યો.
રોડ માર્શે 1968માં પોતાની કારકિર્દીની શરૂઆત કરી અને 1984માં નિવૃત્તિની જાહેરાત કરી. આ દરમિયાન તેમણે 257 ફર્સ્ટ ક્લાસ મેચમાં 11067 રન બનાવ્યા. તેની સરેરાશ 31.17 હતી. તેણે પોતાની કારકિર્દીમાં 869 શિકાર પણ કર્યા.
રોડ માર્શે પ્રતિભાશાળી ખેલાડીઓને ઓળખવા અને માર્ગદર્શન આપતા માર્ગદર્શક તરીકે પણ સેવા આપી હતી. ઓસ્ટ્રેલિયા સિવાય તેણે ઘણા દેશોમાં કોચ અને ડિરેક્ટર તરીકે પણ કામ કર્યું છે. ડેનિસ લિલી અને રોડ માર્શની જોડી વિશ્વ ક્રિકેટમાં એક અલગ જ ઓળખ ધરાવે છે. માર્શે 95 વખત ડેનિસ લિલીને કેચ આપીને ઘણા બેટ્સમેનોને પેવેલિયનનો રસ્તો બતાવ્યો હતો. પર્થમાં જન્મેલા માર્શે પોતાના ભાઈ ગ્રેહામ સાથે ક્રિકેટ શીખી હતી. બંને શરૂઆતમાં વેસ્ટર્ન ઓસ્ટ્રેલિયા માટે ક્રિકેટ રમ્યા હતા. ત્યારબાદ ગ્રેહામ એક વ્યાવસાયિક ગોલ્ફર બન્યા અને ઓસ્ટ્રેલિયા માટે અજાયબીઓ કરી.
1970માં આંતરરાષ્ટ્રીય ક્રિકેટમાં પ્રવેશ કરનાર રોડ માર્શે પ્રથમ વિકેટકીપર તરીકે અને પછી રાષ્ટ્રીય પસંદગીકાર તરીકે મહત્વપૂર્ણ યોગદાન આપ્યું હતું. આ સિવાય તેણે કોચ તરીકે પણ બધાને પ્રભાવિત કર્યા હતા. તેમણે ઓસ્ટ્રેલિયા માટે 96 ટેસ્ટમાં 26.51ની એવરેજથી 3633 રન બનાવ્યા. 92 ODIમાં તેમના બેટથી 1225 રન થયા હતા અને તેમની એવરેજ 20.08 હતી. વનડેમાં તેણે 124 વિકેટ ઝડપી હતી
