અર્થવ્યવસ્થાને લઇને સંકટ વધુ ને વધુ ગંભીર મુસિબતોને આવકારી રહ્યુ હોવાનુ હવે સામાન્ય જનતાને પણ સમજ પડી ગયુ છે. જો કે હજુ સુધી સરકારનું આ મુદ્દે કોઇ ખાસ ધ્યાન ગયુ હોય તેવુ લાગી રહ્યુ નથી. સરકારનાં દરેક પગલા એક પછી એક ફેઇલ સાબિત થઇ રહ્યા છે, ત્યારે હવે પૂર્વ નાણાંમંત્રી યશવંત સિન્હાએ પણ સરકારની ક્લાસ લીધી છે.
પૂર્વ નાણાંમંત્રી યશવંત સિન્હાએ આર્થિક મોર્ચે કેન્દ્રની નરેન્દ્ર મોદી સરકાર પર નિશાન સાધતા કહ્યું કે, ભારતીય અર્થવ્યવસ્થા “ખૂબ જ ગંભીર સંકટ” માં છે અને માંગમાં સતત ઘટાડો થઇ રહ્યો છે. તેમણે કહ્યું કે, સરકાર આવી “ઉત્સાહની વાતો” કરીને લોકોને વારંવાર બેવકૂફ બનાવી રહી છે કે આગામી ક્વાર્ટરમાં અથવા તે પછી પણ આર્થિક સ્થિતિમાં સુધારો થાય તેવી કોઇ સંભાવનાઓ નથી.
સત્તાવાર આંકડા મુજબ દેશનાં જીડીપી ગ્રોથ દર ચાલુ નાણાકીય વર્ષનાં બીજા ક્વાર્ટરમાં ઘટીને 4.5 ટકા પર આવી ગઇ છે. આ છ વર્ષમાં આર્થિક વિકાસ દરનો સૌથી નીચો સ્તર છે. સિન્હાએ કહ્યું, “હકીકત એ છે કે આપણે એક ગંભીર કટોકટીમાં છીએ. આગામી ક્વાર્ટર અથવા તે પછીની ક્વાર્ટર વધુ સારી રહેશે આ બધી માત્ર ખોખલી વાતો છે જે પૂર્ણ થવાની નથી.
સરકાર વારંવાર કહીને લોકોને બેવકૂફ બનાવવાનો પ્રયાસ કરી રહી છે. એવું કહેવામાં આવે છે કે આવતા ક્વાર્ટરમાં આર્થિક વિકાસ દરમાં સુધારો થશે. પૂર્વ નાણાંમંત્રીએ કહ્યું કે, આ પ્રકારનાં સંકટને પહોચી વળવા માટે ત્રણથી ચાર વર્ષ અથવા તો પાંચ વર્ષ પણ લાગી શકે છે. આ સંકટને કોઇ જાદુની લાકડીથી દૂર કરી શકાશે નહી.
યશવંત સિન્હાએ કહ્યું કે, ભારતીય અર્થવ્યવસ્થા હાલનાં જે તબક્કે છે તેને “માંગની સમાપ્ત કરવાનું” કહેવામાં આવે છે અને આ પરિસ્થિતિ કૃષિ અને ગ્રામીણ વિસ્તારોથી શરૂ થઈ છે. તેમણે કહ્યું કે અર્થવ્યવસ્થામાં કોઈ માંગ જ નથી અને આ સંકટનો પ્રારંભિક બિંદુ છે. પ્રથમ, કૃષિ અને ગ્રામીણ વિસ્તારોમાં માંગ સમાપ્ત થઈ. આ પછી તે અસંગઠિત ક્ષેત્રે પહોંચ્યું અને અંતે તેની અસર કોર્પોરેટ ક્ષેત્રમાં પહોંચી ગઈ. સિન્હાએ એ પણ યાદ કરાવ્યું કે કેવી રીતે 2017 માં તેમને લાગ્યું કે અર્થવ્યવસ્થાનું પતન થવાનુ છે, પરંતુ મારી ચેતવણીને એમ કહીને ઠુકરાવવામાં આવી કે 80 વર્ષનો “માણસ નોકરીની શોધમાં છે”.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.