Pune: નવરાત્રિ દરમિયાન હાર્ટ એટેકની શક્યતા વધી જાય છે. આવી સ્થિતિમાં જો ખેલાડીઓ રમતી વખતે સાવચેતી ન રાખે તો તેઓ હાર્ટ એટેકનો શિકાર પણ બની શકે છે. આવી સ્થિતિમાં મહારાષ્ટ્રના પૂણેના ચાકણમાં ગરબા રમતી વખતે હાર્ટ એટેકની ઘટના સામે આવી છે. ગરબા રમતી વખતે અચાનક એક વ્યક્તિને ચક્કર આવવા લાગ્યા. થોડા સમય પછી તેમનું અવસાન થયું. એવું માનવામાં આવે છે કે તેમનું મૃત્યુ હાર્ટ એટેકના કારણે થયું હતું.
આ દુર્ભાગ્યપૂર્ણ ઘટના પુણેના ચાકણ વિસ્તારમાં બની હતી. આ ઘટનામાં ગરબા ડાન્સર અશોક માળીને હાર્ટ એટેક આવ્યો હતો અને કમનસીબે તેમનું મોત થયું હતું. અશોક માળી ચાકણ વિસ્તારમાં બાળકોના ગ્રૂપ સાથે ગરબા ડાન્સ કરી રહ્યો હતો, ત્યારે તેને અચાનક ચક્કર આવતા નીચે પડી ગયા હતા. જે બાદ થોડી જ વારમાં તેનું મોત થઈ ગયું. મૃત્યુનું પ્રાથમિક કારણ હાર્ટ એટેક છે.
નોંધનીય છે કે નવરાત્રિ દરમિયાન હૃદયરોગનો ભોગ ન બનવા માટે આ બાબતોનું ધ્યાન રાખવું ખૂબ જ જરૂરી છે… ગરબા ખાલી પેટે ન રમવું જોઈએ. ગરબા રમતા પહેલા પુષ્કળ પાણી પીવો. લાંબા રાઉન્ડને બદલે ટૂંકા રાઉન્ડ રમવા જોઈએ. વિરામ દરમિયાન પણ પાણી અથવા ઠંડા પીણા પીવાનું રાખો. જ્યારે પણ તમને રમતી વખતે છાતીમાં સહેજ પણ દુખાવો થાય તો તમારે તાત્કાલિક નજીકની હોસ્પિટલમાં જવું જોઈએ.
જો શ્વાસની લંબાઈ ઓછી થવા લાગે અને મોં દ્વારા શ્વાસ લેવો જરૂરી બની જાય તો તરત જ આરામ કરવો જોઈએ. નવરાત્રિ દરમિયાન ઓછામાં ઓછા છ કલાકની ઊંઘ લેવી જોઈએ. ખોરાક નિયમિત અંતરાલમાં લેવો જોઈએ. વ્યક્તિએ કામ ટાળવું જોઈએ.
આ પણ વાંચો: મહેસાણા પછી હવે પાટણમાં હાર્ટએટેકથી મોતઃ સેવાભાવી યુવાનનું નિધન
આ પણ વાંચો: વધુ ચાર લોકોને ભરખી ગયો હાર્ટ એટેક, સાબરકાંઠા, ભુજ અને ગીર સોમનાથમાં યુવકોએ ગુમાવ્યો જીવ
આ પણ વાંચો: પાટણના ચાણસ્મામાં યુવાનનું હાર્ટએટેકથી મોત
