Gautam Adani Hindenburg: હિન્ડેનબર્ગના રિપોર્ટ બાદ અદાણી ગ્રુપને સતત આંચકાઓ સહન કરવો પડી રહ્યો છે. બુધવારે કંપનીના શેર તૂટ્યા હતા. સૌથી વધુ 35 ટકાનો ઘટાડો અદાણી એન્ટરપ્રાઈઝના શેરમાં આવ્યો હતો. અદાણી ગ્રુપના શેરમાં આ ઘટાડો બ્લૂમબર્ગના રિપોર્ટ બાદ આવ્યો હતો. રિપોર્ટમાં એવું કહેવામાં આવ્યું છે કે ક્રેડિટ સુઈસ ગ્રુપ એજીએ તેની ખાનગી બેંકિંગ પાર્ટીઓ પાસેથી માર્જિન લોન માટે કોલેટરલ તરીકે અદાણી ગ્રુપની કંપનીઓના બોન્ડ લેવાનું બંધ કરી દીધું છે. અહેવાલમાં જણાવાયું છે કે સ્વિસ ધિરાણકર્તા ક્રેડિટ સુઈસ ગ્રુપ AGની ખાનગી બેંકિંગ શાખાએ અદાણી પોર્ટ્સ અને સ્પેશિયલ ઈકોનોમિક ઝોન, અદાણી ગ્રીન એનર્જી અને અદાણી ઈલેક્ટ્રિસિટી મુંબઈ લિમિટેડ દ્વારા વેચાયેલી નોટોને શૂન્ય ધિરાણ મૂલ્ય આપ્યું છે.
ક્રેડિટ સુઈસ ગ્રુપ એજી સંબંધિત સમાચાર સપાટી પર આવ્યા બાદ બુધવારે ટ્રેડિંગ દરમિયાન અદાણી એન્ટરપ્રાઈઝના શેરમાં 34.3 ટકાનો ઘટાડો થયો હતો. ટ્રેડિંગના અંતે અદાણી એન્ટરપ્રાઇઝના શેર 28.45 ટકા ઘટીને બંધ થયા હતા. પોર્ટ્સથી લઈને એનર્જી સુધીના બિઝનેસ સમૂહના વડા ગૌતમ અદાણી વિશ્વના ટોચના અબજોપતિઓની યાદીમાં પાછળ રહી ગયા છે. તે હવે સૌથી અમીર એશિયન કે ભારતીય નથી રહ્યો. તેમના હરીફ ઉદ્યોગપતિ મુકેશ અંબાણી ફરી એકવાર ભારત અને એશિયાના સૌથી અમીર વ્યક્તિ બની ગયા છે. અંબાણી ગયા વર્ષે એપ્રિલમાં અદાણી કરતા પાછળ રહી ગયા હતા.
અદાણી કે જે એક સપ્તાહ પહેલા ફોર્બ્સની અબજોપતિઓની યાદીમાં વિશ્વના ત્રીજા સૌથી ધનિક વ્યક્તિ હતા, બુધવારે 15માં સ્થાને સરકી ગયા હતા. અમેરિકન શોર્ટ સેલર હિંડનબર્ગના અહેવાલ બાદ અદાણી ગ્રુપની કંપનીઓના શેરમાં સતત ઘટાડો જોવા મળી રહ્યો છે. ફોર્બ્સની વેબસાઈટ અનુસાર, અંબાણી 83.7 બિલિયન યુએસ ડોલરની સંપત્તિ સાથે યાદીમાં 9મા ક્રમે છે. ગયા વર્ષે અદાણીની સંપત્તિમાં 44 બિલિયન ડોલરનો વધારો થયો હતો અને છેલ્લા એક સપ્તાહમાં તેમની સંપત્તિમાં ઝડપથી ઘટાડો થયો છે. તે હાલમાં 75.1 બિલિયન ડોલરની નેટવર્થ સાથે વૈશ્વિક અબજોપતિઓની યાદીમાં 15મા ક્રમે છે.
આ પણ વાંચો: Billionaires List/હિંડનબર્ગના રિપોર્ટ બાદ ધનિકોની યાદીમાં ગૌતમ અદાણી હવે આ નંબર પર,જાણો
