Gautam Gambhir on KL Rahul: ઓસ્ટ્રેલિયા સામેની 4 મેચની હોમ ટેસ્ટ સિરીઝમાં ભારતીય ટીમે પ્રથમ બે મેચ જીતી લીધી છે. આ બંને મેચમાં ઓપનર કેએલ રાહુલનું બેટ શાંત રહ્યું છે. તેણે ત્રણ ઇનિંગ્સમાં કુલ 38 રન બનાવ્યા છે. રાહુલ છેલ્લી 11 ટેસ્ટ ઇનિંગ્સમાં 200 રન પણ બનાવી શક્યો નહોતો.
આ જ કારણ છે કે કેએલ રાહુલની સતત ટીકા થઈ રહી છે. (Gautam Gambhir on KL Rahul)કેટલાક દિગ્ગજોએ રાહુલને ટેકો આપ્યો છે તો કેટલાકે તેમને હાંકી કાઢવાની વાત પણ કરી છે. ભૂતપૂર્વ ક્રિકેટર વેંકટેશ પ્રસાદ અને આકાશ ચોપરા પણ કેએલ રાહુલને લઈને ઝઘડ્યાહતા.
કેએલ રાહુલને ભારતીય કેપ્ટન રોહિત શર્મા અને કોચ રાહુલ દ્રવિડ દ્વારા પણ સમર્થન આપવામાં આવ્યું છે. આ દરમિયાન હવે પૂર્વ ક્રિકેટર ગૌતમ ગંભીરનું એક મહત્વપૂર્ણ નિવેદન પણ સામે આવ્યું છે. તેણે પણ રાહુલને સમર્થન આપ્યું છે. નોંધનીય છે કે કેએલ રાહુલ આઈપીએલમાં લખનૌ સુપર જાયન્ટ્સ ટીમની કેપ્ટનશીપ કરી રહ્યો છે. આ ટીમના મેન્ટર ગંભીર છે.
ગંભીરે કહ્યું, ‘જે લોકો કેએલ રાહુલ વિશે વાત કરી રહ્યા છે, તેઓ નથી જાણતા કે આંતરરાષ્ટ્રીય ક્રિકેટ કેટલું મુશ્કેલ છે. મને ખાતરી છે કે જ્યારે કોઈ ખેલાડી પ્રદર્શન ન કરી રહ્યો હોય, ત્યારે તેને જ્યારે તે શ્રેષ્ઠ ફોર્મમાં હોય તેના કરતા વધુ સમર્થનની જરૂર હોય છે.
ગૌતમ ગંભીરે કહ્યું, ‘એક એવા ખેલાડીનું નામ કહો, જેણે કારકિર્દીની શરૂઆતથી અંત સુધી ઝડપી રન બનાવ્યા હોય. દરેકના જીવનમાં આવા સમય આવે છે અને તમારે પ્રતિભાને સાથ આપવો જોઈએ. જ્યારે રોહિત શર્માએ કારકિર્દીની શરૂઆત કરી, તો જુઓ તેનું પ્રદર્શન (ખરાબ ફોર્મ). હવે તે સંપૂર્ણપણે બદલાઈ ગયો છે. દરેક ખેલાડી પોતાનું મૂલ્યાંકન કરે છે. તેને એકલો છોડી દેવો જોઈએ કારણ કે આપણે બધા જાણીએ છીએ કે તે પ્રતિભાશાળી ખેલાડી છે.
30 વર્ષીય રાહુલનું આ ખૂબ જ ખરાબ ફોર્મ જાન્યુઆરી 2022થી જ ચાલુ છે. ત્યારથી, રાહુલે 6 ટેસ્ટ મેચ રમી છે, જેમાં તેણે 11 ઇનિંગ્સમાં માત્ર 175 રન બનાવ્યા છે. જ્યારે અક્ષર પટેલે છેલ્લી ત્રણ ઇનિંગ્સમાં માત્ર 158 રન બનાવ્યા છે. આવી સ્થિતિમાં તમે રાહુલનું ફોર્મ સમજી શકો છો.
આ 11 ઇનિંગ્સ દરમિયાન કેએલ રાહુલની સરેરાશ માત્ર 15.90 હતી. આ દરમિયાન તેણે માત્ર એક અડધી સદી ફટકારી છે. રાહુલે રોહિત શર્માની ગેરહાજરીમાં બાંગ્લાદેશ સામેની બે ટેસ્ટ મેચની શ્રેણીમાં પણ કેપ્ટનશીપ કરી હતી. ટેસ્ટમાં રાહુલની ઓવરઓલ એવરેજ પણ સારી નથી. તેણે અત્યાર સુધીમાં કુલ 47 ટેસ્ટ મેચ રમી છે, પરંતુ તેની ટેસ્ટ કારકિર્દીમાં તેની સરેરાશ માત્ર 33.44ની છે.
