Ghost Built Temple:  ભારતમાં અનેક રહસ્યમયી મંદિરો આવેલા છે, પરંતુ મધ્યપ્રદેશના મોરેના જિલ્લામાં આવેલું ‘કકનમઠ મંદિર’ (Kakanmath Temple) પોતાની અજીબોગરીબ બનાવટને કારણે દુનિયાભરમાં કુતૂહલનો વિષય બન્યું છે. આ મંદિર વિશે એવી લોકવાયકા છે કે તેને માણસોએ નહીં, પણ ભૂતોએ માત્ર એક જ રાતમાં બનાવ્યું હતું. આશ્ચર્યની વાત એ છે કે આ વિશાળ મંદિરને ટકાવી રાખવા માટે કોઈ સિમેન્ટ, ચૂનો કે પથ્થરોને જોડવા માટેના મસાલાનો ઉપયોગ થયો નથી, છતાં તે હજારો વર્ષોથી અડીખમ ઊભું છે. કકનમઠ મંદિર સાથે જોડાયેલા આશ્ચર્યજનક તથ્યો.

રાતોરાત ભૂતો દ્વારા નિર્માણની કથા

સ્થાનિક લોકોની માન્યતા મુજબ, આ શિવ મંદિરનું નિર્માણ ભૂતોએ એક જ રાતમાં કર્યું હતું. એવું કહેવાય છે કે સવાર પડતા જ એટલે કે સૂર્યોદય થતા જ ભૂતો મંદિરનું કામ અધૂરું મૂકીને જતા રહ્યા હતા, જેના કારણે આજે પણ આ મંદિર ઉપરથી થોડું અધૂરું દેખાય છે. જોકે, ઈતિહાસકારોના મતે આ મંદિરનું નિર્માણ 11 મી સદીમાં કશ્યપઘાત વંશના રાજા કીર્તિરાજે તેમની રાણી ‘કકનવતી’ ની ઈચ્છા પૂરી કરવા કરાવ્યું હતું.

સિમેન્ટ કે ચૂના વગરનું બાંધકામ

આ મંદિરની સૌથી મોટી ખાસિયત એ છે કે તેમાં પથ્થરોને જોડવા માટે કોઈ પણ પ્રકારના ગારા, સિમેન્ટ કે ચૂનાનો ઉપયોગ કરવામાં આવ્યો નથી. પથ્થરોને એકબીજાની ઉપર એવી રીતે ગોઠવવામાં આવ્યા છે કે તે સંતુલન (Balance) ના આધારે ટકેલા છે. આટલું મોટું અને ભારેખમ માળખું કોઈ પણ સપોર્ટ વગર કેવી રીતે ટકી રહ્યું છે, તે આધુનિક એન્જિનિયરો માટે પણ એક કોયડો છે.

પથ્થરોનું હવામાં લટકતા હોવાનો અહેસાસ

જ્યારે તમે આ મંદિરને નજીકથી જુઓ છો, ત્યારે એવું લાગે છે કે પથ્થરો ગમે ત્યારે પડી જશે. ઘણા પથ્થરો તો હવામાં લટકતા હોય તેવું દેખાય છે, પરંતુ ગમે તેવા વાવાઝોડા કે ભૂકંપ છતાં આ મંદિરને કોઈ નુકસાન થયું નથી. આસપાસના અનેક મંદિરો સમય જતાં ખંડેર થઈ ગયા, પરંતુ કકનમઠ મંદિર આજે પણ ગર્વથી ઊભું છે.

આર્કિટેક્ચર અને કોતરણી

આ મંદિર લગભગ 115 ફૂટ ઊંચું છે. તેની દિવાલો પર કરવામાં આવેલી અદભૂત કોતરણી અને દેવી-દેવતાઓની મૂર્તિઓ તે સમયના શિલ્પકારોની કળાનું ઉત્તમ ઉદાહરણ પૂરું પાડે છે. મંદિરની અંદર એક વિશાળ શિવલિંગ સ્થાપિત છે, જ્યાં આજે પણ મોટી સંખ્યામાં શ્રદ્ધાળુઓ અને પ્રવાસીઓ આવે છે.

Templeનું રહસ્યમયી વાતાવરણ

મંદિરની (Temple) આસપાસના વિસ્તારમાં આજે પણ એક પ્રકારની ભેદી શાંતિ અને રહસ્યમયી અનુભૂતિ થાય છે. નિર્જન રસ્તાઓ અને ખંડેર હાલત હોવા છતાં, આ મંદિરનું (Temple) ચુંબકીય આકર્ષણ લોકોને પોતાની તરફ ખેંચે છે. જે લોકો વિજ્ઞાનમાં માને છે તેઓ તેને પ્રાચીન ભારતની એન્જિનિયરિંગ કળા માને છે, જ્યારે શ્રદ્ધાળુઓ તેને ભગવાન શિવનો ચમત્કાર ગણે છે.

આ પણ વાંચો: રૂપિયા નહીં પ્લાસ્ટિક આપો અને પેટ ભરીને જમો! જાણો ભારતના આ અનોખા ગાર્બેજ કેફે વિશે

આ પણ વાંચો: બારમેરના દેરાસર ગામની અનોખી કહાની, જાણો કેમ અહીં પુરુષો માટે બીજા લગ્ન કરવા છે અનિવાર્ય

આ પણ વાંચો: પ્રસાદમાં ડોરાકેક અને ડોરેમોનની આરતી! સોશિયલ મીડિયા પર વાયરલ થઈ રહ્યો છે આ અનોખો કાર્ટૂન ધર્મ