Ajab Gajab: આપણે દરરોજ 10, 20, 100 કે 500 ની નોટો (Note) વાપરીએ છીએ, પણ શું તમે ક્યારેય તેની પાછળ આપેલી તસવીરને ધ્યાનથી જોઈ છે? વર્ષ 2016 પછી આરબીઆઈ દ્વારા બહાર પાડવામાં આવેલી નવી નોટો પર ભારતની સાંસ્કૃતિક વિવિધતા અને ઐતિહાસિક વારસાને દર્શાવતા ખાસ સ્થાપત્યોના ફોટા મૂકવામાં આવ્યા છે. આ તસવીરો માત્ર સજાવટ માટે નથી, પણ તે ભારતની ભવ્યતાની સાક્ષી પૂરે છે. ચાલો જાણીએ કઈ નોટ પર કયું સ્થાપત્ય છે અને તેની પાછળની કહાની શું છે.

10 રૂપિયાની નોટ – કોણાર્કનું સૂર્ય મંદિર:

ચોકલેટ બ્રાઉન રંગની આ નોટ પર ઓડિશાના કોણાર્ક સૂર્ય મંદિરનું ‘ચક્ર’ જોવા મળે છે.

ખાસિયત: 13મી સદીમાં બનેલું આ મંદિર રથ આકારનું છે. તેના 24 પૈડાં દિવસના 24 કલાકનું પ્રતીક છે અને તે સૂર્યના કિરણો દ્વારા ચોક્કસ સમય જણાવવા માટે બનાવવામાં આવ્યા હતા.

20 રૂપિયાની નોટ – ઈલોરાની ગુફાઓ:

લીલાશ પડતા પીળા રંગની આ નોટ પર મહારાષ્ટ્રની ઈલોરાની ગુફાઓનું ચિત્ર છે.

ખાસિયત: આ ગુફાઓ ભારતીય શિલ્પકલાનો ઉત્તમ નમૂનો છે, જેમાં હિન્દુ, બૌદ્ધ અને જૈન ધર્મના મંદિરોનો સંગમ જોવા મળે છે.

50 રૂપિયાની નોટ – હમ્પીનો પથ્થરનો રથ:

ફ્લોરોસન્ટ બ્લુ રંગની આ નોટ પર કર્ણાટકના હમ્પીમાં આવેલા વિઠ્ઠલ મંદિરના રથની છબી છે.

ખાસિયત: હમ્પી વિજયનગર સામ્રાજ્યની રાજધાની હતી. આ પથ્થરનો રથ એટલો બારીકાઈથી કોતરાયેલો છે કે તે ભારતની પ્રાચીન એન્જિનિયરિંગ શક્તિ દર્શાવે છે.

100 રૂપિયાની નોટ – રાણકી વાવ:

લેવેન્ડર કલરની આ નોટ પર ગુજરાતના પાટણમાં આવેલી ‘રાણકી વાવ’ છે.

ખાસિયત: રાણી ઉદયમતીએ પોતાના પતિ ભીમદેવ 1ની યાદમાં આ વાવ બંધાવી હતી. તે જળ સંરક્ષણ અને સુંદર કોતરણી માટે વર્લ્ડ હેરિટેજ સાઇટમાં સ્થાન પામી છે.

200 રૂપિયાની Note – સાંચીનો સ્તૂપ:

બ્રાઈટ યલો રંગની આ નોટ પર મધ્યપ્રદેશનો સાંચીનો સ્તૂપ અંકિત છે.

ખાસિયત: સમ્રાટ અશોક દ્વારા નિર્મિત આ સ્તૂપ બૌદ્ધ ધર્મ અને ભારતની પ્રાચીન કલા-સંસ્કૃતિનું મુખ્ય કેન્દ્ર છે.

500 રૂપિયાની Note- લાલ કિલ્લો:

સ્ટોન ગ્રે રંગની આ નોટ (Note) પર દિલ્હીના લાલ કિલ્લાની તસવીર છે.

ખાસિયત: લાલ કિલ્લો ભારતની આઝાદી અને શક્તિનું પ્રતીક છે. મુઘલ બાદશાહ શાહજહાંએ તેને બંધાવ્યો હતો અને દર વર્ષે 15મી ઓગસ્ટે અહીંથી જ તિરંગો લહેરાવવામાં આવે છે.

આ પણ વાંચો: રડવાના અને ઊંઘવાના પણ મળે છે લાખો રૂપિયા! દુનિયાની આ 5 અજીબોગરીબ નોકરીઓ વિશે જાણીને તમારું માથું ભમી જશે

આ પણ વાંચો: ક્યાંક પત્નીનો જન્મદિવસ ભૂલવો છે ગુનો, તો ક્યાંક બાળક પેદા કરવા પર છે મનાઈ! દુનિયાના અજીબોગરીબ કાયદા

આ પણ વાંચો: ક્યાંક કમર જોઈને મળે છે નોકરી, તો ક્યાંક એક્સ્ટ્રા કામ કરવું છે ગુનો! જાણો દુનિયાના અજીબોગરીબ જોબ રૂલ્સ