Gir Somnath Earthquake : ગીર સોમનાથ જિલ્લાના તાલાલા વિસ્તારમાં આજે વહેલી સવારે ધરતી કંપવાની ઘટના નોંધાઈ છે. સવારે લગભગ 3:59 વાગ્યાની આસપાસ તાલાલા તેમજ આસપાસના ગ્રામ્ય વિસ્તારોમાં ભૂકંપ (Earthquake)નો હળવો આંચકો અનુભવાયો હતો. આ ભૂકંપની તીવ્રતા રિક્ટર સ્કેલ પર 2.6 નોંધાઈ હોવાનું જાણવા મળ્યું છે.
સલામતીના રહેવાસીઓ ઘરની બહાર દોડી આવ્યા
રાત્રિના શાંત વાતાવરણમાં અચાનક અનુભવાયેલા કંપનને કારણે કેટલાક રહેવાસીઓમાં ચિંતાનો માહોલ જોવા મળ્યો હતો. અનેક લોકો સલામતીના હેતુસર ઘરની બહાર દોડી આવ્યા હતા. જોકે, આ આંચકો હળવો હોવાથી કોઈ નુકસાન થયું હોવાના અહેવાલો સામે આવ્યા નથી.
ભૂકંપ (Earthquake)નું કેન્દ્રબિંદુ તાલાલાથી આશરે 23 કિમી દૂર
ગાંધીનગર સ્થિત સિસ્મોલોજી સેન્ટરની માહિતી અનુસાર, ભૂકંપ (Earthquake)નું કેન્દ્રબિંદુ તાલાલાથી અંદાજે 23 કિલોમીટર દૂર હોવાનું નોંધાયું છે. નિષ્ણાતોનું માનવું છે કે આ પ્રકારના નાનાં આંચકા સામાન્ય ગણાય છે અને તે સ્થાનિક ભૂગર્ભીય ફોલ્ટ લાઈનના કારણે થતા રહે છે.
તંત્ર દ્વારા પરિસ્થિતિ પર સતત નજર
ઉલ્લેખનીય છે કે ગીર સોમનાથ જિલ્લાના કેટલાક વિસ્તારોમાં સમયાંતરે આવા હળવા ભૂકંપના આંચકા અનુભવાતા રહ્યા છે. હાલ તંત્ર દ્વારા પરિસ્થિતિ પર સતત નજર રાખવામાં આવી રહી છે
